BUONG TANGHALI HANGGANG hapon ang ginugol ng grupo nina Rohi sa may waterfalls. Doon na rin sila nagkayayaan na kumain ng kanilang hapunan para sa pagbabalik ng hotel ay umano matutulog na lang sila. Habang kumakain sila ay hindi napigilan ni Anelie na maisip ang kanyang kaibigan. Lantarang kinuha niya ang cellphone niya.
“Mag-order ako ng pagkain ni Daviana tapos ipadala ko na lang sa room. Wala siyang appetite kanina eh, malamang hindi pa iyon kumakain ng kahit na ano. Kailangan niyang kumain ng dinner. Baka dumilat na doon ang mata niya.”
Mabilis na bumaling sa kanya si Rohi upang pigilan niya.
“Hindi na kailangan, Anelie. Nakapag-order na ako ng pagkain niya.”
Gulantang na ibinaba ni Anelie ang kanyang cellphone at hinarap na ang amo. Hindi niya iyon binigyan ng kulay.
“Talaga, Mr. Gonzales? Salamat po sa pagiging thoughtful at generous niyo sa kaibigan ko…”
Kumplikadong tiningnan ni Keefer si Rohi. Ilang beses niyang ipinilig ang kanyang ulo. Ang tigas talaga ng uli ng kaibi
