Kinabukasan, kahit hindi nakatulog nang maayos noong nagdaang gabi ay maaga pa ring nagising si Georgina para pumasok sa opisina ni Fredrick. Dala rin niya ang damit na binili niya kagabi para sa party mamaya na pupuntahan nila. Buong gabi ay hindi siya nakatulog dahil sa nakitang kalagayan ni Rhett. Hindi niya alam kung bakit mukha itong apektado sa pagkawala niya samantalang ito naman ang nagloko sa kanya.
Buong araw na abala si Georgina sa trabaho pero nagpapasalamat siya at paperworks lang iyon at hindi rin siya inutusan ni Fredrick na umakyat-baba dahil kung hindi ay baka hindi kakayanin ng katawan niya. At dahil nga maselan ang pagbubuntis niya, bilang pag-iingat ay flat shoes ang suot niya ngayon at hanggang mamaya sa party. Wala siyang ideya kung anong klaseng party ang pupuntahan nila ng boss niya pero inihanda niya ang sarili dahil sigurado s’yang magkakaroon na naman sila ng engkwentro ni Celeste.
Bago nga oras ng uwian ay pinaalalahan ni Fredrick si Georgina tungkol sa p
