Sumunod si Georgina kay Nolan hanggang makarating sila sa tapat ng operating room na magsasagawa sa kanya ng operasyon. Habang nasa daan sila, ipinaliwanag ni Nolan sa kanya na isa sa mga investors ng ospital ang pamilya Farrington kaya naman pala pribadong na-book ni Fredrick ang operating room sa west wing ng ospital.
Nang makarating sila ay nakita niyang wala roon si Fredrick pero may naghihintay kay Georgina doon na walang iba kundi si Celeste. Nang makita nga siya nito ay may nakapaskil na ngiting-tagumpay sa labi nito pero nang nilingon nito si Nolan ay biglang nanlambot ang ekspresyon nito na tila ba naawa.
“Kuya Nolan, sigurado na ba talaga kayo sa desisyon niyo tungkol sa bata? Hindi man lang ba kayo naawa?” kunwari ay naaawang sabi ito pero rinig ni Georgina ang pangungutya sa boses nito.
“Miss Celeste, napag-usapan na ito ng iyong kuya at ni Miss Lucindo. Pareho silang pumayag kaya wala ka nang dapat alalahanin.”
Patuloy ang pagtulis ng nguso ni Celeste. “Kuya Nolan, pwed
