Next:
Mahinang napatawa si Fredrick nang makita kung paano siya napasandal at nawalan ng sasabihin.
“Just kidding.” Tumayo ito nang tuwid saka matiim pa rin siyang tinitigan. “I’m sorry. Katulad ka ng kapatid ko. Hindi basta paaapi at kailangan lagi may ebidensya para hindi maakusahan ng mali.” lumabas ito ng kusina upang tumungo sa itaas.
Palihim na bumuga ng buntong-hininga si Everest nang wala na ang lalaki sa harapan niya. Hindi niya maintindihan kung bakit pero halos hindi siya makahinga dahil sa pagkakalapit ng katawan nila ni Fredrick. Pero nagpapasalamat siya dahil marunong itong tumanggap ng pagkakamali at humingi ng tawad sa kanya kahit hindi naman kailangan dahil nagbibiro lang naman siya.
Dahil parehong hindi pa sila nakapagtanghalian ni Fredrick ay nagpasya si Everest na maghanda ng makakain at pagkatapos ay kinatok niya ang lalaki sa study nito at inayang kumain na pinaunlakan naman nito at sumunod sa kanya sa hapagkainan.
“Hindi mo na kailangang maghanda ng ganito
