ALAM naman na ni Dorothea na isang araw, baka magpapakita ulit si Rence sa Kampo pero hindi naman niya inaasahan na ngayon pala ang araw na ‘yon.
Isang malalim na buntonghininga ang pinakawalan niya habang nagpupunas ng lamesa, panaka-naka ang sulyap sa lalaking naroon sa hindi kalayuang lamesa. Kasalukuyan itong sumisimsim sa baso ng Jack Daniels na in-order nito. Dorothea, like when she first saw Rence inside Kampo, thought how out of place he looked inside the place.
Bakit nga ba ito narito?
Pagkatapos niya nitong batiin, namili na ito ng lamesa. Dahil maraming tao kanina at ayaw niya naman talagang magtagal sa harap nito, nagpaalam na siyang aalis. Hindi na rin siya ang naghatid ng order nito.
Ayaw niyang maging obvious na sinusubukan niyang iwasan ang lalaki pero sigurado siyang napapansin naman nito ang hindi niya na paglapit muli sa lamesa nito. Pero kahit hindi naman siya lumapit dito, ramdam na ramdam naman niya ang nanunuot sa balat nitong mga tingin sa kanya.
“Nandito
