PUMARADA ang magarang sasakyan ni Dewei sa harapan ng isang tatlong pintong apartment. Mula sa backseat, tahimik niyang pinagmasdan ang labas, ang mga aninong gumagalaw sa ilalim ng malamlam na ilaw ng poste.
Sa tabi ng driver, nakaupo si Jai.
Saglit niyang tinapunan ng tingin ang kanyang assistant, bago muling ibinaling ang paningin sa harapan ng apartment.
Isang malalim na buntong hininga ang pinakawalan niya, hindi tiyak kung dapat ba siyang bumaba o manatili na lang sa loob ng sasakyan.
Gabing gabi na nang pumunta sila sa apartment nina Velora. Nagdadalawang isip siya kung dapat pa ba niyang puntahan ang dalaga. Ayaw pa niyang aminin sa sarili na gusto niya si Velora —na gusto niyang bumalik ito sa Solara.
"Iyon lang ba, Dewei?" untag ng sariling utak niya.
Sa isang mumurahing apartment nakatira sila Velora. Luma, may sira ang pader, at nababakas ang lumang pintura na may kaunting bitak. Maraming tambay ang nakatayo sa gilid, nagkukuwentuhan habang nagyoyosi, at ang ilan ay
