"ELORDA, sinasabi ko sa’yo… bawal kang mag-ikot at gumalaw dito sa bahay. Ako na ang bahala sa lahat. Tayong dalawa lang naman, kayang-kaya ko 'to," sabi ni Tess habang pinupunasan ang mesa.
"Ano naman ang gagawin ko? Mauupo lang buong araw?" tanong ni Elorda, hirap na hirap na umayos ng upo sa sofa habang pinagmamasdan si Tess.
"Tingnan mo ang sarili mo. Palapit na ang kabuwanan mo, hirap ka na ngang umupo nang maayos. Tapos gusto mo pang maglinis? Aba, baka mamaya may kung anong mangyari sa’yo."
Napatingin si Elorda sa tiyan niya. "Siyempre, buntis ako. Pero hindi ibig sabihin nu'n, wala na akong silbi. Kaya ko pa maglinis."
Napailing si Tess. "Aba, ang tigas pa rin ng ulo. Elorda, hindi kita sinasabihang wala kang silbi. Sinasabi ko lang, magpahinga ka. Ako na ang bahala rito. Umupo ka lang, manood ka ng TV o magpabugaw sa electric fan. Basta huwag ka nang magkikilos-kilos."
"OA ka talaga," sagot ni Elorda, bahagyang napasimangot pero may bahid ng ngiti.
"Diyan ka lang. Pupun
