NAIWAN sila Elorda at Jav sa sala. Halos hindi makatingin ang dalaga kay Jav. Nangalo na sa pagtayo si Elorda kaya dahan-dahan pa siyang umupo.
Napansin ni Jav si Elorda kaya mabilis niyang nilapitan ito at inalalayan na maupo.
"Puwede mo akong tawagin kung kailangan mo ng tulong. Elorda, kakailanganin mo ako sa buhay mo. Kaya sanayin mo na ang sarili mong palagi mo akong nakikita," sabi ni Jav. Napaluhod siya sa harapan nito na nakatingin sa mga mata nito.
Napaiwas ng tingin si Elorda kay Jav. Saka, napahinga ng malalim.
"Tumayo ka d'yan. Baka kung anong akalain nina Tess at Patrick na ginagawa mo..." sabi niya na nanghahaba ang nguso.
Napangiti si Jav. "Can I sit beside you?" Malambing niyang tanong. Tinitigan niya ang mukha ni Elorda na pansin niyang namumula na.
Marahang tumango si Elorda pero hindi pa rin nagawang tumingin kay Jav. Ramdam niya ang malagkit na titig nito sa kanya.
Sumilay ang magandang ngiti ni Jav. Tumabi siya kay Elorda, dahan-dahang umupo sa sofa na para
