SUMAPIT na ang gabi at patapos na silang maghapunan.
Tahimik lang si Elorda habang pinaglalaruan ang kutsara sa plato. Hindi niya alam kung matutuwa ba siya o maiinis. Hanggang ngayon kasi, kasama pa rin nila sina Jav at Patrick. Kalahating araw na ang itinagal ng mga ito sa apartment nila, pero pakiramdam ni Elorda ay ang tagal na. Ewan ba niya. Siguro dahil sa liit ng apartment nila ni Tess, isang sala, kusina, at may dalawang kuwarto lang. Kahit sinong bisita, lalo na kung dalawang lalaki pa, ay talagang mapapansin.
At hindi basta-bastang lalaki. Professional, may itsura, at bilyonaryo pa. Pero heto sila’t nakikipagsiksikan at kumakain ng lutong bahay sa isang simpleng hapag na halos siksikan na silang apat.
Napabuntonghininga siya nang mapatingin sa gilid. Nandoon pa rin si Jav, nakaupo katabi niya, habang si Patrick ay tila nag-aayos na ng gamit.
Tumayo si Patrick, dahilan para mapalingon si Elorda kay Tess na abala sa kusina.
"I have to go. Thank you sa masarap na dinner. N
