Tahlia POV
Nandito na ako. Kaya paglabas ko ng sasakyan, mahigpit kong ibinalot ang hoodie sa katawan ko at isinuksok ang sumbrero ko pababa sa aking noo. Alam kong delikado ang ginagawa kong ito, pero hindi ko rin maiwasang gustuhin na makasama si Axton. Kailangang maingat. Wala nang ibang dapat makaalam nito simula ngayon.
Sa paningin kasi ng lahat, wala na kami. At si Zain na ang opisyal kong boyfriend. Naka-post na iyon sa social media kaya kalat na sa mga kakilala ko na si Zain na OA na ang boyfriend ko.
Sa pagbukas ng gate, mabilis akong pumasok sa mansiyon ni Axton. Kilala na ako ng mga tao niya, kaya wala nang tanong-tanong pa. Diretso agad ako sa ikalawang palapag kung saan naroon ang kuwarto niya. Wala naman kasi palagi dito ang parents niya, palaging busy sa work kahit sabado o linggo pa.
Pagbukas ko ng pinto, bumungad sa akin si Axton na nakaupo sa kama, may hawak na libro. Nang makita niya ako, agad siyang napangiti.
"You're here," mahinang sabi niya bago niya ibinaba ang
