Pagkababa ni Aria mula sa sasakyan, agad niyang namalas ang kotse ng kaniyang ina na nakaparada sa harap ng tahanan.
"Aba, sasakyan 'yon ni Mommy! Dad, nasa loob ng bahay si Mommy!" hiyaw ni Aria.
Saglit lamang tumango si Eduardo malamig at walang aninong damdaming sumilay sa kaniyang mukha. Isang mapanuring sulyap ang iniukol niya sa sasakyan ni Luna tila walang saysay ang presensiya niyon sa kaniyang paningin.
"Oo," tugon niya, payak at walang ligaya sa tinig.
Tahimik na inalalayan ni Eduardo ang kanyang anak papasok sa tahanan, waring karaniwang sandali lamang ang pagbabalik ng asawa.
Paglapit nila sa pintuan, sinalubong sila ng mayordoma.
Agad na nagtanong si Aria, "Nasaan si Mommy?"
"Ahh, nasa itaas po si Madam." magalang na tugon ng mayordoma.
"Talaga po? Sige!" masiglang sagot muli ni Aria.
Maliwanag ang ngiti sa kaniyang mukha, sabay takbo paitaas ng hagdan, tila ba sabik na sabik na muling makapiling ang ina. Ang hakbang niya'y magaan, puno ng kasiyahang hindi maitatago.
Kak
