“Umm. Konti pa lang ang nakain mo, ah?”
Ibinaba ni Analyn ang tasa sa mesa pagkaraan niyang ubusin ang laman na kape nun.
“Hindi ako makakain masyado, kinakabahan ako. Okay na muna itong kape.”
Tumayo na si Analyn kaya ganun din ang ginawa ni Anthony. Kahit hindi siya kumakain ng almusal, pinilit niyang kumain kahit konti para samahang kumain ang babae.
Naglakad na si Analyn palabas ng dining room, kasunod si Anthony. Dinampot ni Analyn ang bag niya at ang bag na naglalaman ng mga papeles at dokumento.
“Check mong mabuti ang mga dala mo, baka makalimutan kang dalhin,” paalala ni Anthony.
Ganun nga ang ginawa ni Analyn.
“I told you, ihahatid na kita.”
Huminto si Analyn sa pagbusisi sa mga papeles at saka nakangiting tiningnan si Anthony.
“I told you, si Karl na lang.”
Ipinamulsa ni Anthony ang mga kamay at saka tumango. Ngayong araw na ang bidding ni Edward, pero sa kasamaang palad hindi ito makakapunta dahil bigla itong nagkasakit at nasa ospital. Dahil si Analyn ang gumawa ng pro
