CHAPTER 3 - THE REASON BEHIND THEIR WEDDING CONTRACT

“Adira!” saway ni Erlinda. Hindi niya nagustuhan ang mga sinabi nito sa babaeng gusto niya para kay Karim.

“Bakit ako? Gumanti lang ako, Mom.”

“Huwag mo akong matawag-tawag na ina dahil hindi kita gusto para sa anak ko!”

“Enough!” Crack! Sigaw ni Karim kasunod ng paghagis nito ng bote sa sahig. Lalong sumakit ang ulo niya dahil sa nakakarindi na sagutan ng tatlo. Gusto niyang ilabas ang init ng ulo niya. Lalo lamang siyang nainis nang makita ang paghanga sa mga mata ni Ryder habang nakatingin kay Adira. Tila natuwa pa ito dahil sa pagiging palaban ng asawa niya.

Bakas ng takot ang mukha ng lahat ng mga bisita nang makita ang namumula sa galit na mukha ni Karim Walton. Ang bagong CEO ng Walton Pharma na sa loob ng mahigit isang taon nagawa na nitong kontrolin ang kalahati ng stock market sa buong bansa.

“Ahhh! Aray! Karim nasasaktan ako!” Pilit na nagpupumiglas si Adira mula sa mahigpit na pagkakahawak ng kanyang asawa sa kamay niya. Halos madurog ang kanyang palapulsuhan ngunit patuloy pa rin ang marahas na paghila nito sa kanya paakyat sa hagdanan. “Karim!” Muling sigaw niya na nasasaktan ngunit parang wala itong narinig. Nang makitang nahihirapan siya sa pag-akyat sa hagdan agad din siya nitong binuhat.

“Sige Karim, disiplinahin mo ‘yang asawa mo na kulang sa aruga!”

Napalingon si Adira nang marinig ang malutong na halakhak ni Ryza habang nakaupo ito sa couch. Malandi ang paraan ng pagsipsip nito sa wine glass habang nakangiti at nakatingin sa kanya. Kanina pa niya gustong durugin ito ng pinong-pino. Hindi talaga ito tumigil sa pag-ubos ng pasensya niya hangga’t hindi niya pinapatulan.

Nakabalik siya sarili nang marinig na nagsara ang pintuan. Nasa loob na pala siya ng kanilang silid. Muntik pang mauntog ang ulo niya sa headboard ng kama nang marahas siyang tinulak ni Karim. Ang lalaking pinili niyang pakasalan kahit pa na dalawang taon lamang ang kontrata ng kanilang kasal. Ngunit sa kanilang dalawa, alam niyang siya lang ang nagmamahal.

“Hindi ka ba titigil sa pagpapahiya sa akin, Adira?” Ramdam niyang gusto na naman siya nitong sakalin ngunit nagpipigil lang ito. “Mga bisita ko sila! Nandito sila para samahan akong e-celebrate ang birthday ko!” Kita niya ang paglabas ng berdeng ugat sa leeg nito na tipong isang maling sagot niya lang sasakalin na siya. Hindi niya maintindihan kung bakit sa kanya pa nagagalit si Karim gayung si Ryza naman ang may kasalanan.

Mapakla siyang ngumiti dahil sa mga naisip niya. “At ako, huh? Ano ako sa ‘yo Karim? Tau-tauhan mo lang sa loob ng bahay mo para lang may matawag kang asawa? Hindi ba’t ginawa ko naman lahat upang pagsilbihan sila? Hindi naman yata tama na pati babae mo hayaan mo na lang na utus-utusan ako!” Nakita niya kung paano mag-alsahan ang mga matitigas na muscles nito sa katawan. Maging ang paggalaw ng mga panga nito nagpapahiwatig na napupuno na ito sa pagtitimpi sa kanya.

"Adira, alam mo kung ano ka lang sa buhay ko.” Mahina ngunit madiin nitong sagot.

Sandali siyang natigilan dahil sa sinabi nito. Masakit iyon para sa kanya, ano ba ang magagawa niya kung siya lang ang nagmamahal? Ngunit pilitin niya ang sarili na maging manhid. “Of course, hindi ko nakakalimutan kung ano lang ako sa buhay mo. Di ba noon pa sinabi ko na sa’yo na maghiwalay na lang tayo? Bakit hindi mo na lang ako palayain, Karim?”

Matagal siya nitong tinitigan. Hindi niya maintindihan kung bakit parang nakikita niya ang sakit na gumuhit sa mukha nito dahil sa sinabi niya. “Dahil hindi pa tapos ang kontrata natin! and I pay you billion for that fucking 2 year contract!” sumigaw din ito sa kanya na tila ba inaasahan na lang niyang puputok na ang ugat sa leeg nito.

Mahina siyang tumango-tango. “I see. In that case, I'll pay you three times what you paid me to get my freedom.” Nakipagtagisan siya ng matalim na titig kay Karim. Ang alam niya lang pagod na siya sa pagpaparamdam sa lalaki na mahal niya ito. Na hindi mahalaga sa kanya ang pera na binayad nito dahil hindi niya kailangan ang mga iyon. Pumayag siyang magpakasal hindi sa pera kundi umaasa siya na baka sa loob ng dalawang taon magagawa niyang paibigin ito sa kanya. Ngunit sadyang matigas ang puso nito. Maaaring kapag nawala siya maging masaya ito sa piling ni Ryza.

“I won't give your fucking freedom till I have my son." Nanlalabo ang mga mata ni Karim sa pagpigil ng hindi maipaliwanag na emosyon niya. Bakit ba napakadali sa babaeng ito na hiwalayan siya?

Bam!

Napaigtad si Adira sa gulat ng marinig ang malakas na pagsara ng pinto. Nanlalambot ang kanyang tuhod na umupo sa kama. Saka pa lang niya binuhos ang mga luha niya na kanina pa gustong kumawala mula sa kanyang mga mata. Tama ang Kuya Allaric niya. Walang maidudulot na maganda ang pagpapakasal sa taong siya lang ang nagmamahal. Gusto naman niyang lunurin ang sarili sa alak tulad ng palagi niyang ginagawa sa tuwing nag-aaway sila ni Karim. Ngunit nang maalala na buntis pala siya, nagkasya na lamang siya sa pag-inom ng juice. Inayos niya ang sarili at lumabas ng silid. Mula sa ibaba, hindi na niya nakita pa si Karim. Nakaramdam siya ng guilt. Sana nagtimpi na lang siya upang hindi masira ang kaarawan ng asawa niya. Unti-unti na rin nagsi-uwian ang bisita. Tama naman na dumaan si Manang Salve kaya niya ito tinawag.

“Manang masama ang pakiramdam ko. Pakidala naman ako ng juice sa kwarto namin ni Karim.”

“Ah, sige po, Ma’am.”

Agad na siyang bumalik sa silid nila ni Karim. Pabalik na siya nang marinig na may nag-uusap sa veranda malapit lang sa kanyang silid.

“Michael, wala ka bang gagawin upang hiwalayan ng anak mo ang babaeng ‘yan? Masyado na siyang perwisyo sa atin.”

“Hayaan mo na ang anak natin. Okay naman si Adira. Kung paghihiwalayin mo sila, sino ang gusto mong pakasalan ng anak natin? Si Ryza?”

“Eh, di ba, yun naman talaga dapat ang plano? Si Ryza naman talaga ang dapat na pakasalan ni Karim ngunit nagkaroon siya ng ovarian cyst kaya tinanggal ang dalawang ovary niya. Si Adira pinakasalan lang ni Karim para anakan. Kapag nanganak na si Adira hihiwalayan din siya ni Karim at kukunin ang bata. Dalawang taon lang naman ang kontrata nila dahil si Ryza ang talagang papakasalan ni Karim.”

“Kung ganyan nga ang plano, ano ang pinagpuputok ng botse mo? Hintayin mo na lang na ang anak natin ang magdesisyon. Huwag mo na siyang pakialaman.”

Nanikip ang dibdib ni Adira na bumalik sa silid nilang mag-asawa. Gusto niyang sumigaw upang maibsan ang sakit na nararamdaman niya. Ngayon malinaw na sa kanya ang lahat. Ang buong akala niya pinakasalan siya ni Karim upang makuha nito ang posisyon bilang CEO. Siya naman itong si Gaga, ginamit ang pagkakataon at pumayag na magpakasal sa lalaking kailan man hindi siya minahal. Tumatawa siya habang umiiyak. “Mission accomplished, Adira. Napakatanga mo!” Sigaw niya habang nakaharap sa salamin. Huminto siya sa pag-iyak nang bumaba ang paningin niya sa kanyang tiyan. “Hinding-hindi mo makukuha ang anak mo sa akin, Karim. Sinusumpa kong dadaan ka muna sa maraming butas ng karayom bago mangyari ‘yan.”