Nagising si Roxanne sa kanyang kama at nakaramdam ng pagkahilo. Napahawak siya sa kanyang noo at naramdaman na mainit pa rin siya. Kagabi pa siya nilalagnat matapos na maulanan.
Napatingin siya sa orasan at may isang oras pa siya para maghanda sa trabaho. Pinili niyang pumasok kaysa um-absent dahil ayaw niyang mabawan ang kanyang sweldo. Inaalala niya rin na mayroon pa silang mga tatapusing research at experiment sa laboratory.
Pagtayo niya, napatingin siya sa mesa na mayroong mga nakahandang pagkain. May isang note din siyang nakita na nakadikit sa isang tupperware.
[Eat well and get well soon.-Devon]
Bigla siyang napangiti dahil sa nabasa, napaupo rin siya sa upuan at nagsimulang kumain ng agahan. Sariwa pa sa kanya ang mga nangyari kagabi, nakita niya rin na mayroon siyang galos sa kamay na natamo niya ng sapilitan siyang dalhin ni Jameson sa mansyon.
Natatakot siya na alalahanin kung ano ang hitsura ng asawa na muntikan na pinipilit siyang buntisin. Mabuting dumating si
