Sa likod pa lang nito na parang pader na, papa'no niya makakalimutan ang bulto ng katawan nito kung tandang-tanda niya ang lahat ng anggulo nito dahil pag-aari niya ito?
"Sige, Benjamin," gigil niyang anas habang sinusundan ang isang lalaking may matipunong pangangatawan. Ang tangkad nito, ang paraan ng paglalakad nito at ang boses nito, siya iyon. "Benjamin!" sigaw niya sa pangalan nito nang maabutan na ang lalaki. "B-bakit 'di mo'ko binalikan? Bakit mo'ko tinakasan?" Muling napuno ng hinanakit ang dibdib niya nang maalala ang pag-iwan nito sa mismong kasal nila. Malakas niyang hinampas ang kamay sa likod nito na ikinalingon nito bigla.
Pak!
Malakas lang naman ang pagkakasampal niya rito nang humarap ito bigla kaya pati tunog, dumagundong din sa pandinig niya. Nakuyom niya nang mariin ang kamao nang animo matuod ito sa harap niya. Isang bigwas ang ginawa niya sa mukha nito pero nakaiwas agad ito. Namimilog ang mata niya nang makita ang mukha nito.
"B-Benjamin?" nautal niyang tan
