Ilang araw na ang lumipas simula noong umalis si Caspian kaya naiwang mag-isa si Davina sa napakalaking bahay ni Caspian. Inilibot niya ang paningin niya pero hindi niya alam kung anong gagawin niya. Kung maglilinis naman siya ng bahay, ano pang lilinisan niya kung nalinis na ng mga taong nirerenta lang ni Caspian para maglinis ng bahay.
Napabuntong hininga na lang si Davina saka niya kinuha ang cell phone niya sakto naman ang pagtawag sa kaniya ni Jillian na mabilis niya namang sinagot.
“Jill, buti napatawag ka.” sagot niya sa kaibigan.
“Kailan ka ba babalik? Saka nasan ka na ba? Hindi ka pa rin ba umuuwi sa inyo?” nagtatakang tanong ng kaibigan niya kaya napasandal na lang siya sa sofa at itinaas ang paa sa glass table.
“Pinalayas ako ni Daddy,” simple niyang sagot.
“What? Are you serious? Hindi yun magagawa ng Daddy mo kaya paano?” napairap na lang si Davina, yun ang inaasahan nilang lahat, ang hindi magalit sa kaniya ang Daddy niya kahit na nag-iisa siyang anak pero wala eh, nagal
