Kabanata 10

Halos pagod na pagod silang nag-ayos ng mga gamit. Napaupo na lang silang lahat sa sofa at nagpahinga na.

“Nasaan na ba ang asawa mo? Mukhang nahanap mo na ang katapat mo ah?” mapang-asar na saad ni Max kay Caspian. Napapaismid na lang si Caspian dahil para siyang pagod na pagod gayong mas nakakapagod pa nga itong mga ginagawa nila sa misyon nila.

“Sa tingin mo ikinaganda niya na yun? Tsss.” Singit na naman ni Sophia na hindi maalis ang inis kay Davina dahil halos lahat yata ay naipapagawa niya kay Caspian.

“Nasan na nga pala siya? Hindi ko na siya napansin kanina.” saad na rin ni Railey saka inilibot nila ang paningin nila maliban kay Caspian at Evander.

“Baka napagod na at nakatulog na kung saan, bakit mo pa kasi hahanapin.” Napapairap na saad ni Sophia kay Railey. Inilibot ni Evander ang paningin niya sa kabuuan ng sala at napangiti na lang.

“Akalain mo nga namang ang ginasta niyang pera mo ay sa bahay mo rin naman pala naipunta lahat. Tingnan mo ang bahay mo Caspian, may pinagbago