“ARE YOU okay, hon?” untag ni Seiichi nang mapansing kanina pa walang kibo ang kanyang fiancee habang nakaupo sa tabi niya sa passenger's seat.
“Huh?” wala sa sariling sagot ni Keiko. “Y-Yeah, I'm fine. Why did you ask, hon?”
“Kanina ka pa kasi walang kibo. May nangyari ba?”
Bakas ang pag-aalala sa mukha ni Seiichi ng mga sandaling iyon. Kilala niya ang girlfriend. Alam niyang may gumugulo rito pero ayaw naman niya itong pilitin at gusto n'ya ay kusang-loob itong magsasabi sa kan'ya.
Parang sinuntok ang dibdib ni Keiko dahil sa nakikitang pag-aalala sa mukha ng kanyang fiancé. Alam niyang maling-mali ang nangyari sa kanila ni Knives at maituturing na cheating ang bagay na iyon. Pero hindi n'ya alam kung paano aaminin kay Seiichi ang lahat ng mga kasalanang nagawa niya dahil natatakot siya.
“Nothing, hon. Hindi lang ako masyadong nakatulog kagabi,” pagsisihan ni Keiko.
“Matulog ka na lang pagdating mo,” suhestiyon ng nobyo niya.
“Hindi p'wede. Kailangan kong pumasok sa trabaho dahi
