DAHIL sa narinig ay nakangiting hinaplos ni Elijah ang ulo ni Lalaine at masuyong sinabi, “I’m so proud of you, Lalaine...”
Bahagya namang nailang si Lalaine sa ginawa ng lalaki. Twenty years old na siya pero itinuturing pa rin siya nitong bata. “Salamat, Doc Elijah,” nakangiti turan ni Lalaine.
“Mauna na ako. Magkita na lang tayo kapag may free time ako. Gusto ko ring makita si Luke,” saad pa nito na sinagot naman ni Lalaine nang marahang pagtango.
Sinundan na lang ng tingin ni Lalaine ang likuran ng papalayong lalaki habang inaalala ang nangyari noon sa Paco. Isang beses, umuwi ang kanyang nanay na mainit ang ulo dahil talo ito sa sugal. Nanghihingi ito ng pera sa kanya pero dahil wala siyang maibigay kaya binugbog sila nitong magkapatid. Ginawa ni Lalaine ang lahat para saluhin ang pananakit ng kanyang nanay na dapat ay para sa kanyang kapatid, subalit naging masama ang lagay ni Luke noon dahil nang malingat siya ay ang nakababatang kapatid niya ang inatake nito. Nasapul ng kahoy s
