KUNG hindi sana nakita ni Knives ang eksena kanina, madadala na naman sana siya ng mapanlinlang na ekspresyon ng babae. Napakagaling nitong magpaikot ng tao sa mga palad, at hindi na siya magugulat na isa ang Lola Mathilde niya sa napaikot ng babae.
Madilim ang anyo ni Knives nang buksan ang lock ng kotse saka muling bumaling kay Lalaine. "And one more thing, until our marriage is not annulled, I don't want you to flirt with another man."
Natigilan si Lalaine nang marinig ang sinabi ng lalaki, at nakaramdam nang matinding pagka-insulto. Para siyang sinampal nito nang harap-harapan dahil sa binitiwan nitong salita. Ano ba ang dahilan nito para sabihan siya ng ganoon? Ni hindi nga siya lubusang kilala ng lalaki subalit kung makapagsalita ito ay para bang alam nito ang tunay niyang pagkatao.
"Mr. Dawson, naghihintay na lang tayo na mai-proseso ang ating annulment paper, pero hindi mo na ako kailangan pang paalalahanan ng mga dapat kong gawin o hindi dapat gawin," matapang na wika ni Lal
