NAGPAALAM DIN NAMAN si Amanda kay Sylvia at nagsabi na aalis muna at may kailangan siyang asikasuhin. Mabilis ang kilos niya kaya hindi na niya napansin ang bulto ni Theo na nakatayo sa harapan niya. Nagkabanggaan tuloy sila.
Sa hindi malamang dahilan, pakiramdam ni Amanda parang nahuli siya sa isang bagay na ginawa niyang mali. Naging concern niya bigla ang mga sinabi niya kay Sylvia.
Posible bang narinig iyon lahat ni Theo?
Napalunok na lang si Amanda at parang hindi alam ang sasabihin bigla. Pero bago pa man niya maibuka ang labi para magsalita, naunahan na siya ni Theo.
"Uhm, pupunta ako mamaya sa kompaniya. Nakaschedule mamaya ang check up ng anak natin, hindi ba?" kaswal na tanong ni Theo. Nagpanggap na lang siyang walang alam sa naging usapan nila Amanda at Sylvia.
Wala sa sariling tumango si Amanda. "O-Oo."
Ewan ba ni Amanda kung bakit ganito ang nararamdaman niya. Para siyang nahuli sa isang kasalanan na hindi naman siya ang may gawa! Bakit ba ganito?
"Sasama sana ako. Dumaan
