“Hannah, ano ba?! Break-up ba talaga ang gusto mo?!” sumabog na ang galit ni Jared noong mga oras na iyon.
“Oo!” sagot ni Hannah nang walang pag-aalinlangan.
“S-Sige. Kung ‘yan talaga ang gusto mo. Huwag mo lang sanang pagsisihan ang desisyon mong iyan,” sagot ni Jared.
Umalis na pagkatapos noon si Jared. Malungkot si Hannah pero kailangan niyang magpakatatag. Tumayo siya mula sa sofa at kinuha ang white roses na binigay ni Jared sa kanya. Tinapon niya iyon sa basurahan at pumanhik na sa taas ng kwarto.
Pakiramdam ni Hannah na kaya sinabi iyon ni Jared ay dahil alam nitong hindi niya kayang mabuhay nang wala siya sa buhay niya. Kaya ganoon na lang lagi ang ginagawa ni Jared, ang saktan siya nang saktan.
Kahit na hiwalay na sina Hannah at Jared ay kailangan niya pa ring pumasok sa trabaho. May mga kailangan pa siyang ayusin sa project doon sa amusment park. Ayaw naman ni Hannah na dahil lang sa break-up nila ay magre-resign agad siya. Syempre, kailangan niyang i-turn over iyon.
Pagpunt
