Sarie POV
Kinabukasan rin ay hindi na makapag hintay si Keizer at pinilit na akong bumalik sa probinsya, at kahit naman ako ay gusto ko na ring umuwi.
Nakausap niya rin kaninang umaga ang mama niya. Hindi ko nga lang alam kung anong nangyari sa kanilang mag-ina.
Bago kami umalis ng Manila ay tinawagan ko si Mica, at sinabi niyang nasa bahay lang daw ang mga bata kasama siya. Pero aalis rin daw siya ng alas tres dahil may duty siya.
Ayos lang naman kung maiiwang mag-isa ang dalawa sa bahay dahil malapit narin naman kaming makarating ng probinsya bago siya umalis.
Nakahinga naman ako ng maluwag nang malamang kasama ni Mica ang mga bata habang wala ako. Ilang araw rin akong walang balita sa kanila kaya sobra-sobra talaga ang pag-aalala ko sa mga bata.
Alas quattro ng hapon ng makarating kami sa isla lagoon. Habang si Keizer ay bumalik sa hospital kung saan siya tumutuloy dito. Hindi ko naman kasi siya agad pwedeng ipakilala sa mga bata, baka pareparehas lang silang magkagulatan.
