SA MISMONG ARAW ng pag-alis nina Briel at Brian ng bansa ay ang araw din na nagkaroon ng lakas ng loob na magpa-press conference si Giovanni. Ilang araw siyang nagtimpi at ayaw magpadalus-dalos ng mga desisyon sa buhay. Sa pagkakataon kasing iyon din ay nagawa ng mahanap ng mga tauhan niya kung saang lupalop ng Isabela nagtatago si Margie na ganun na lang ang gulat nang makita siyang walang emosyong nasa labas ng pintuan ng pinagtataguan nito. Namutla na agad ang kanyang mukha nang mapagsino ang kanyang kaharap. Lalabas lang sana noon ang babae sa lungga niya upang bumili ng kanyang mga pagkain bago muling mag-hibernate habang nagkakagulo sa social media. Gustong-gusto niya pa ang atensyon na kanyang nakukuha na tila ba nakasakay siya sa alapaap dahil kilala siya ng lahat. Binabati sa nalalapit nilang ilusyon na ginawa niya sa kanyang isipan ng pakikipag-isang dibdib sa Gobernador.
“G-Governor Bianchi…paano niyo ako nahanap?”
Isang senyas lang ni Giovanni sa mga kasamang tauhan at aga
