Tinanaw pa rin ni Jeron ang papalayong taxi na sinakyan ni Graciella at Sheila. Hindi pa rin niya lubos maisip na ora orada na nagpakasal si Graciella. Na- bad trip siya ngayong gabi na wala na siyang pag-asa sa babaeng tinatangi ng kanyang puso.
Pero kung madalian ang kasal ng mga ito, malaki ang chance na maghiwalay din ang mga ito. Iyon na lang ang pinagkukunan niya ng lakas. May pag-asa pa siyang mapasakanya si Graciella.
Nang lumingon siya naroon pala ang special guest ng gabi, si Menard Tristan Young. Masyadong okupado ng kanyang isip ang pag-uwi ng dalawa kaya nakalimutan niyang nasa parking area pala siya. Tumabi siya at binigyan daan ang sasakyan ni Mr. Young. Huminto ito sa kanyang tapat.
“Sir Jeron,” bati sa kanya ng assistant na si Louie. Sumungaw ito sa bukas na bintana ng sasakyan.Kilala niya ang assistant ni Menard. Kalmado itong tao kahit palagi itong busy sa pagsunod sa mga utos ng boss
