Chapter 36

Maaga pa lang ay nagtungo na siya sa opisina ng Mommy niya.  Ito ang may hawak ng Falcon Manpower Services at Travel Agencies.  Ang Daddy niya ang may hawak naman sa Mining Company katulong pa rin ang Mommy niya.  Habang sila ni Anthony ang namamahala sa Falcon Hotel at Falcon Condominium.  Ang Papa ni Anthony ang siyang CEO ngayon ng buong Falcon Group of Companies.

Few years ago, ang Lolo pa nila ang namamahala ng lahat ng 'yon.  Wala pa ang pamilya nila Anthony sa Puerto Princesa dahil umalis ang Uncle Antonio niya.  Itinakwil kasi ito ng Lolo nila noon dahil sa pagtanggi nitong makasal sa anak ng kabilang hacienda sa Dumaran.  Bumalik lang sila nang ipahanap ito ng Lolo nila dahil kailangan na nito ng tagapagmana.  Ang gusto ng Lolo nila ay mapanatili ang apelyidong Falcon sa Puerto Princesa.  Si Anthony lang ang sagot sa problema nito.  Silang magkakapatid ay puro babae at Montañez ang dala nilang apelyido.