Chapter 39

Alas sais siya sinundo ni Gregor kahit nagpilit siyang magkita na lang sila sa restaurant.  Sa isang fine dining restaurant sila kumain kung saan sila nagkitang muli mula nang magkahiwalay sila sa El Nido.  Kasama pa niya noon si Rico habang ang kasama nito'y si Lenny na ngayon ay nagdadalantao na.

"Bakit dito mo 'ko dinala?"

"Bukod sa masarap ang pagkain dito, gusto kong ako ang maalala mo pag nagpunta ka dito.  Naalala mo nung nagkita tayo dito?" 

Siya man ay natawa sa alaalang 'yon.  Kasama niya si Rico pero kay Gregor na ang buong atensyon niya nang makita ito.  

"Paborito niyo yatang puntahan ng ex-girlfriend mo 'to eh."

"Paborito ko," pagtatama naman ni Gregor.  "Bihira naman si Lenny dito noon.  Syangapala, gusto kitang imbitahan sa birthday ng pamangkin ko sa Linggo."

"Sa El Nido?"

"Yes.  Are you free?" 

"Sure," mabilis niyang sagot.  Gusto rin niyang lumayo sa Puer