Chapter 38

Tumunog ang doorbell ng condo niya.  Hindi niya alam kung si Carter ba ang nasa labas o si Gregor.  Kanina pa tumatawag si Carter dahil nagyayaya ito ng dinner pero hindi niya sinasagot.  

Hindi rin niya pinagbuksan ang kung sinumang tao sa labas.  Wala siyang gustong makausap sa ngayon.  Mas gusto niyang namnamin ang pag-iisa.

Ang sumunod na tawag na natanggap niya'y galing sa Auntie Margarita niya na ina ni Anthony na siyang namamahala sa mansyon doon.  Itinakbo daw muli ang Daddy niya sa ospital kaya't pinauwi nito ang Mommy niya.

"Marami hong trabaho sa opisina," pagdadahilan niya dahil hindi niya gustong umuwi.  "Si Mommy na lang ho ang mag-aasikaso..."

Alam niya na kung bakit hindi ang Mommy niya ang tumawag sa kanya ngayon.  Alam nitong masama pa rin ang loob niya hanggang ngayon.  

Kinabukasan ay maaga siyang pumasok sa opisina.  Alas syete pa lang ay nakaalis na siya sa condo dahil tiyak na