Chapter 41

Tinotoo ni Gregor na doon ito natulog sa condo niya.  Paggising ni Olive kinabukasan ay nakadagan pa ang kamay nito sa katawan niya.  Alas singko pa lang ng umaga, pero dahil maaga siyang nakatulog dahil sa pagod, maaga rin siyang naalimpungatan ngayon.  

Dahan-dahan siyang bumaba sa kama at naghilamos sa banyo.  Tinungo niya rin ang komedor para maghanap ng ipapakain kay Gregor mamaya.  Puro instant noodles at prutas ang laman ng pantry niya ngayon dahil mag-isa lang naman siya dito at hindi siya madalas sa condo kumain.  

"Good morning..."  

Napapitlag siya sa tinig ni Gregor na nasa likuran niya.  Hindi niya akalaing magigising din ito kaagad.

"Ginulat mo naman ako," nakangiti niyang sabi.  "Magtitimpla muna ako ng kape."

"Ako na," agap naman nito na lumakad sa  kusina nang nakayapak.  Puting twalya lang ang nakatakip sa ibabang bahagi ng katawan nito na hindi niya alam kung mayron man lang