Chapter 9

Funny how I spent the entire night crying. Masakit pa rin ang pang-upo ko kaya hindi na ako masyadong nakatulog. Iniyak ko lang lahat at hindi ko alam kung bakit gano’n ako naging ka-emosyonal. I’m sensitive, yes, pero insensitive siya, e! 

Ni halos ayoko nang lumabas ng kwarto. May init na rin sa labas pero nakadapa pa rin ako sa kama habang nakabaon ang mukha sa unan. Dagdag pang masakit ang ulo ko dahil medyo naparami ang inom ko kagabi.

Alam kong may mali rin ako, pero hindi ko alam kung bakit gano’n kalala ang impact sa ‘kin ng sinabi niya. I was offended, nanahimik na lang sana siya mas tanggap ko pa. 

Maya-maya ay nakarinig ako ng sunod-sunod na katok.

“Sachiko, gising ka na ba? Anong oras na.”

Rinig ko ang boses ni Ate Sab. Kanina pa ako gising at pinapakiramdaman lang ang bahay kung umalis na ba si Aries. Ayokong makita ang p