Chapter 2

Nang makabalik sa apartment, kaagad na kumuha ng tubig si Bella para uminom ng pills.

Pagkatapos ay pumasok siya sa banyo at naligo. Hinugasan niya ang sarili mula ulo hanggang paa, na para bang binubura niya ang bakas ng pangyayari kagabi.

Pero imposible iyon. Dahil nakita niya ang maputing balat na puno ng mga markang iniwan ng lalaki.

Mga kagat ito at pagsipsip.

Kahit ang hita niya ay hindi pinalampas ng lalaki.

Namula ang pisngi ni Bella. Hindi niya maiwasan murahin ang lalaki sa isip niya.

Para itong aso dahil sa dami ng markang iniwan nito.

Binuksan na ng dalaga ang shower, at hinayaan niyang linisin ng tubig ang buong katawan niya. Todo rin siya sa pagsabon hangga’t hindi siya bumabango nang husto.

Nagluto siya ng instant noodles at humiga sa kama pagkatapos. Sobrang pagod siya at masakit ang katawan.

Iniisip niya na baka kapag nagising siya, mapagtanto niyang panaginip lang ang lahat.

Ipinikit na ni Bella ang mga mata, at muli siyang nakatulog.

***

Mahimbing na nakatulog si Noah. Matagal na rin mula nang mangyari iyon.

Hindi niya alam kung bakit, kung dahil ba magdamag siyang gumagalaw, o dahil sa nakakahalimuyak na amoy ng katabing babae, na gustong-gusto niyang singhutin.

Sobrang gaan tuloy ng pakiramdam niya.

Kaya lang, paggising niya, siya na lang ang mag-isa sa kama. Wala na ang babae.

Huli na nang mapagtanto ni Noah na tumakas ang babae habang tulog siya.

Walang gusto ang babae. Hindi ito humingi ng bayad o pananagutan.

‘Paano nagkaroon ng ganoong klaseng babae?’ wika ni Noah sa isip.

Kinuha ni Noah ang phone sa gilid at tumawag sa assistant niya. “Bryan, dalhan mo ako ng malinis na damit sa 1021, ngayon din.”

Pagkatapos ibaba ang tawag, bumangon na si Noah para maligo. Pero may bigla siyang napansin.

May pula sa puting kamang tinulugan nila.

‘Dugo.’ Nagdilim ang mga mata ni Noah. ‘First time niya ito…’

Mabilis na dumating si Bryan sa kuwarto na dala ang damit.

Ang una niyang napansin ay mga damit ni Noah na nakakalat sa sahig. Magulo ang kama, at ang amoy ng sex doon…

Nabigla siya. Hindi kaya… Ang boss niya na 28 years nang hindi interesado sa babae… Ay tuluyan nang nabinyagan?

Sinong babae ang may kakayahang akitin ang boss niya?

Bumukas ang pinto ng banyo, dahilan para mapatigil si Bryan sa pagmumuni-muni.

Lumabas si Noah na naka-bathrobe lang. Tumutulo pa ang tubig sa dibdib nito, pababa sa kan’yang abs, hanggang sa V-line nito na natatakpan na ng tapis ang ilalim.

Puno ang dibdib at abs nito ng mga kagat at kalmot.

Namula si Bryan at nakaramdam ng kahihiyan. “Ahem, President… Ang damit mo po.”

Kinuha iyon ni Noah.

“I-check mo ang surveillance footage. Alamin mo kung sino ang babaeng pumasok sa kuwarto ko kagabi.”

“Po?” Nanlaki ang mga mata ni Bryan. “Hindi mo kilala kung sino ang babaeng iyon?”

Kumunot ang noo ng lalaki. “Kung alam ko lang, sa tingin mo, uutusan pa kita para i-check?”

Ang hinala niya ay isa sa mga business partner niya ang nagpalagay ng babae sa kama niya, pero wala siyang pruweba.

“Noted, boss. I-check ko rin kaagad.”

Tinawagan ni Bryan ang hotel manager para humingi ng CCTV footage, ngunit mahina nitong sinabi na sira ang CCTV cameras sa floor na iyon, at hindi pa rin naaayos.

Kaya naman imposibleng malaman kung sino ang pumasok sa kuwarto ni Bryan. Wala na ang clue.

Nanghinayang si Noah, pero hindi na niya ipinagpatuloy ang imbestigasyon.

Isa lamang itong babaeng nakasama niya nang isang gabi. Hindi sulit na paglaanan niya pa ito ng mas maraming oras.

Sa tingin niya rin, hindi siya magkakaroon ng kaugnayan sa isang babaeng basta na lang nakikipag-sex sa mga lalaki.

***

Diretso ang naging tulog ni Bella hanggang kinabukasan.

Masakit pa ang ulo niya na parang binibiyak. Hinilot niya ito at napangiwi sa sakit.

Nilalagnat siya. Mabuti na lang at may gamot siya sa apartment.

Pero hindi lang iyon ang problema niya. Masakit ang gitna ng hita niya, at paika-ika rin siya maglakad.

Plano niya sanang pumasok sa trabaho ngayon, pero ano ang iisipin ng mga katrabaho niya kapag nakita siyang ganito?

Nang makapagmuni-muni, tinawagan ni Bella ang boss niya para maka-absent muna.

Nagtimpla siya ng kape at kumain ng tinapay, at pagkatapos, nagpasya siyang pumunta sa ospital para magpa-check up.

Bigla siyang natakot. Baka may sakit ang lalaki at nahawa siya.

‘Hindi na talaga ako iinom ng marami,’ pangako ni Bella sa sarili.

Kapag nagkasakit kasi siya ay tiyak na masisira ang buhay niya.

Nag-research pa si Bella ng mga bagay-bagay, katulad ng genital warts, syphilis, at HIV. Mas lalo lang tuloy siyang kinabahan.

Ni hindi na niya natapos ang pagkain. Dali-dali siyang lumabas ng bahay at pumara ng taxi papunta sa ospital.

***

Pumila na si Bella para mag-book ng appointment.

Partikular na pinili niya ang isang senior female gynecologist dahil nahihiya siya kung lalaking doktor ang titingin sa kan’ya.

Alam naman niyang wala lang sa isang lalaking doktor kung sakali mang kakailangan niyang maghubad para ma-examine siya, pero hindi kakayanin ni Bella ang kahihiyan.

Pagkatapos pumila nang halos kalahating oras, sa wakas ay tinawag na ang numero niya.

‘Sa wakas,’ aniya sa isip bago pumasok sa loob ng consultation room.

Ganoon pa man, hindi niya nakita ang babaeng doktor.

Ang nakita niya ay isang anino na nasa likod ng kurtina. Matangkad ito at balingkinitan.

‘Nagtatago ba siya sa likod ng kurtina?’

Dahan-dahang humakbang si Bella papasok. “Doc?”

Hindi nagsalita ang doktor. Imbes ay inangat nito ang kurtina at mabagal na naglakad papalapit sa kan’ya.

Itim na pantalon, puting damit… Sa isang tingin pa lang ay lalaki ito.

‘Wait, lalaki?’

Umangat ang tingin ni Bella, at nanlaki ang mga mata niya nang makilala kaagad ang guwapong mukha ng lalaking nasa harap niya.

Ang lalaking ‘to… Anong ginagawa niya rito?!

Nang tumigil sa paglalakad si Noah, nagtagal din ang pagtitig nito kay Bella.

‘Siya ba iyon?’ tanong ni Noah sa isip habang hindi inaalis ang tingin sa dalaga.

Kita ang pagkagulat sa mata nilang dalawa.

“I-Ikaw…” sambit ni Bella. Nauutal na rin siya.

Napakaliit nga naman ng mundo. Nakasalubong na naman niya ang lalaki noong gabing ‘yon!

Ano nga ba ang dapat niyang gawin? Nakilala kaya siya nito?

Kung oo, dapat na ba siyang tumakas ngayon?

Nagpa-panic na si Bella sa loob-loob niya, pero sa panlabas ay mukha pa rin siyang kalmado.

“Pasensiya na. Nag-book ako ng appointment sa babaeng doktor na si Kayla Ravenheart. Mali yata ang kuwartong pinuntahan ko.”

“Hindi.” Umiling si Noah habang nakatitig sa dalaga. “Lumabas siya sandali. Ako muna ang pumalit sa shift niya.”

Pumunta si Noah sa swivel chair at umupo. Kumuha siya ng papel at ballpen. “Umupo ka.”

Nanatiling nakatayo si Bella. ‘Hindi niya ba ako nakilala?’

Sa bagay, lasing din siya noong gabing iyon. Wala rin siyang ideya kung paano nagsimula ang lahat.

Naaninagan na lang ni Bella nang mabuti ang mukha nito pagkagising niya, pero tulog pa rin si Noah sa mga oras na iyon.

Hindi sigurado ang babae, pero dahil sa cold treatment ni Noah sa kan’ya, siguro nga ay hindi siya nakilala nito.

Nakahinga siya nang maluwag at saka umupo, kasabay ng pagsulyap sa kan’ya ni Noah.

“Pangalan at edad?”

“Arabella Montreal, twenty-two,” sagot ni Bella.

Tahimik na isinulat iyon ni Noah. Ganoon pa man, nagmumuni-muni siya.

‘Twenty-two… Mabuti naman at nasa tamang edad na ito.’

Naalala niya pa ang sobrang lambot at kinis na balat ng dalaga noong gabing iyon. Inakala niya tuloy na menor de edad ito. Mabuti na lang at hindi.

“Anong problema sa kalusugan mo?”

Nag-alangan si Bella magsalita dahil sa pagtitig sa kan’ya ni Noah, pero maya-maya ay nagsalita rin siya.

“Medyo masakit ang ano ko… Sa bandang hita ko…” sagot niya habang namumula ang pisngi.

Humigpit ang pagkakahawak ni Noah sa ballpen, pero hindi siya nagpakita ng kahit anong emotion. “Saan banda sa hita mo?”

‘Sa ano… Paano ko ba sasabihin ‘yon?’ wika ni Bella sa sarili.

Kiniskis niya ang magkabilang legs, umaasa na makukuha ni Noah ang hint na iyon.

Pero tinitigan lang siya ng lalaki. Napalunok siya nang makita ang mapulang pisngi ng dalaga. Tila nag-init na naman ang katawan niya habang inaalala ang init ng pinagsaluhan nila kagabi.

Tumikhim si Noah at nagtanong, “Bakit masakit?”

“A-Ano kasi…” nauutal na si Bella, pero alam niyang kung hindi niya sasagutin nang maayos si Noah, mas magtatagal lang siya sa nakakahiyang sitwasyon na ito.

“Sex life?” pagputol ni Noah sa pagmumuni-muni niya.

Hindi nagsalita si Bella. Tumango lang siya.

“May asawa ka na ba?” tanong ni Noah sa malalim na boses.

Umiling ang dalaga.

“Boyfriend?”

“Wala rin.”

‘Walang asawa o boyfriend…’ isip ni Noah. 

Ibig sabihin ay siya ang dahilan kung bakit masakit ang pagkababae nito.

Mahigit anim na beses niyang inangkin ang dalaga kagabi. Malamang ay napasobra nga siya, pero hindi naman niya masisi ang sarili. Iyon ang pinakamasarap na gabi ng buhay niya.

Dumilim ang mukha ni Noah nang maalala na naman iyon.

At sa malalim na boses, inutusan niya ang dalaga. 

“Hubarin mo ang pantalon mo. Kailangan kong tingnan.”