Kabanata 16

Hindi na magawang tingnan ni Serrie ang mga kasamahan matapos iyon sabihin ni Hidan. Hindi niya rin alam kung bakit sinabi iyon ng lalaki. Akala niya ay dapat niya iyon isekreto. Pero si Hidan na mismo ang nagbunyag no’n. Hindi niya lang maintindihan.

“Ikaw pala ang asawa ng CEO?” Ani John at nakangiti na ngayong lumapit sa kaniya.

Alanganin siyang ngumiti. Bumaling siya sa iba niyang kasama sa office. Kita ang takot sa mga mata ng iba sa mga ito. Tila may nagbago bigla.

“Sana sinabi mo agad. Ikaw talaga,” ani Jhon at pabiro pa siyang hinampas sa balikat.

Bakla si Jhon. After ng isang buwan ay ito ang agad na naging malupit sa kaniya. Ito ang pumalit kay Rex sa pagka-bully. Ngayo’ng narinig na nito ang lahat tungkol sa kaniya, hindi niya alam kung anong magiging trato nito sa kaniya.

“Sorry, Serrie! Pasensiya na talaga!” si Vern ang lumapit sa kaniya at agad humawak sa braso niya. “Medyo mean ako sa’yo nitong mga nagdaang araw. Pero hindi ko iyon sinasadya. Talagang stress lang