5: Derek

Nagkatinginan kami ni Bjorn. Nakakasuka talaga ang pagmumukha ng lalakeng 'to. Birthday ng kaniyang mommy kaya nagpunta kami dito. Hindi magarbo ang birthday party nito. Isang simpleng salo-salo lang na dinaluhan ng ilang mga kamag-anak at piling mga kaibigan.

Si Lance ang hinahanap ko, pero pakalat-kalat 'tong si Bjorn.

Lumapit ako sa may grazing table. Hindi ako kakain at plano ko lang na kumain ng ilang piraso ng slice fruits, kaso nagbago na ulit ang isip ko. Nakipag-unahan si Bjorn sa pagdampot sa natitirang tatlong piraso ng malalaking green na ubas.

Masama ko siyang tiningnan, pero tila wala naman itong pakialam.

"Happy birthday, Tita!"

Agad gumuhit ang matamis na ngiti sa mga labi ko, nang marinig ko ang boses ni Lance. He's here. May dala siyang malaking kahon para sa Mommy ni Bjorn. Nakangiti ito. Nakakasilaw ang mga ngiti niya.

Matapos makipag-usap saglit sa ginang, napatingin siya sa gawi namin ni Bjorn. Kinawayan ko siya at pinakita ko sa kaniya ang ala-beauty queen kong ngiti. Nakangiti naman itong naglakad papunta sa amin.

"Salawahan," bulong ni Bjorn.

Pumalatak lang ako, dahil wala akong lakas para makipagtalo sa kaniya. Sigurado akong babanggitin na naman niya ang tungkol kay Derek. Hindi siya maka-move on doon.

"Hi, Lance! Hindi na ako nakadalaw sa clinic, na-miss ko pa man din na si Lalo."

Syempre that's a lie. Siya talaga ang na-miss ko.

Wala akong maisip na pangalan para sa aso, kaya Lalo na lang. Combination ng pangalan namin ni Lance. Weird pakinggan pero atleast unique naman, walang katulad.

Bukas ko pa sana kukunin ang aso, kaso aalis kami bukas. May ikakasal kaming kamag-anak, kaya mas okay na doon na muna siya sa clinic ni Lance. Atleast doon naaalagaan siya ng mabuti ng kaniyang mga staffs.

Kita ko ang sarkastikong ngiti ni Bjorn, pero mas okay kung hindi siya pinagtutuunan ng pansin. Papansin lang siya.

Narinig ko sa usapan nilang magkakaibigan kagabi na broken hearted daw 'to. Hindi naman halata dahil hindi naman siya mukhang malungkot. At kung hiniwalayan man siya ng kaniyang girlfriend, deserved niya iyon.

Parang nang isang araw lang may babae siyang kasama sa kuwarto ni Lance. Hindi makuntento kaya siguro hiniwalayan.

Hanggang ngayon binabangungot pa din ako ng nasaksihan ko na iyon. Nakakapanginig kapag bigla-bigla na lang pumapasok sa aking isip ang mga imaheng iyon. Damn!

Madaming mga kumakausap kay Lance, kaya hindi din kami gaano nakapag-usap.

I feel out of place din, that's why I decided to went inside the house to drink some water, dahil ubos na ang mga bottled water sa gilid.

Kumuha ako ng pitcher sa fridge. Ilang beses na din akong nagpunta dito, dahil madalas ditong magpunta si Mommy, kaya kabisado ko na ang pasikot-sikot dito.

Minsan nagpapa-home service si Tita sa reflexologist at sa nails. Iyon ang bonding nila ni Mommy.

"Hi, I miss you..."

Paalis na sana ako ng kusina nang marinig ko ang boses ni Bjorn. May kausap siya sa celphone. Ang lambing-lambing ng kaniyang boses, malayong-malayo sa nakakairita niyang tono kapag kinakausap niya ako.

Mukhang may bagong babae na naman siyang inuuto. Babaero talaga. Sabagay, sa kanilang magkakaibigan parang sina Kuya at Lance lang naman ang hindi babaero. Si Kuya pala medyo may pagka-slight babaero.

Kaya kay Lance ako, e. Bukod sa gentleman, loyal pa. Isa na lang ang kulang, ang mahalin niya ako.

Maagang natapos ang party ni Tita. Pagkauwi ko ng bahay ay nag-empake na din ako para bukas. Two days kami doon pero mag-pa-pack ako ng pang-ilang araw dahil baka maisipan ni Mommy na mag-extend ng bakasyon.

Hindi pa ako inaantok kaya naisipan ko munang tumambay sa balcony. Mula dito ay tanaw ko sina Kuya na nag-iinuman. Nagtatawanan sila. Mukhang marami ng nainom dahil ang iingay na. Nag-aasaran sila.

At bumabangka sina Kuya at Bjorn.

They're talking about girls. Kadiri sila. Tsk!

Sakto ding tumunog ang aking phone. Nag-text si Derek. T-in-ext ko siya gamit ang isa kong bagong number. Number na exclusive lang for him.

"So, kailan tayo magkikita?" tanong niya. Hindi pa kami nagkikita. Hindi niya ako kilala, wala siyang idea sa mukha ko at totoong pangalan ko, pero may idea na ako sa itsura niya. He's cute, pero I'm not sure kung cute din siya sa personal.

"Aalis kami bukas..."

"So, when?" Hindi ko alam kung bakit niya ako kinukulit. Dati inaaya ko siyang makipagkita sa akin sa mall, hindi naman siya nagpunta.

"I'll let you know when I'm available."

Makikipagkita lang naman, so that's fine. Kung ano ang ginagawa namin sa text, hindi naman namin gagawin sa personal. Friendly date lang.

Napatingin ako sa baba. Tahimik na sila. Nag-uusap-usap pa din, pero si Bjorn ay tahimik na. Busy ito sa kaniyang celphone. Mukhang busy sa panunuyo sa text, sa kaniyang ex.

Hinding-hindi na ako maro-wrong send ulit sa kaniya. I didn't saved his number and I also blocked it. I can't repeat the same mistake, dahil wala na talaga akong lusot kapag nangyari iyon.

"May boyfriend ka na ba?" tanong ni Derek.

Kumunot ang noo ko.

"Wala pa, bakit?"

"Baka may boyfriend ka na, kaya ayaw mo ng makipagkita sa akin."

May ganoon?

"Wala, ah."

Bakit naman ganito na ang topic namin? Kaya ayaw kong makipagkita at ayaw kong madalas nag-t-text sa kaniya, e. Kaya ko lang naman siya tini-text dahil sa bagay na iyon. Kaysa makipag-one night stand ako sa kung kani-kanino.

Iniba ko ang usapan. "What are you doing?"

"Wala. Nakahiga na."

Tumayo ako. Papasok na ako sa loob. I dialled Derek's number, but he cancelled it. Sinubukan ko ulit siyang tawagan pero ganoon ulit ang ginawa niya.

Bakit? Tsk! Bahala ka nga.

Nagsitayuan na sina Kuya. Mukhang tapos na silang uminom. Lumapit na din ang mga maid, upang ayusin ang mga kalat nila. At ang mga lalake ay umuwi na sa kanilang apartment.

After fifteen minutes, tumatawag na si Derek pero hindi ko na sinagot ang tawag niya. Tinatamad na ako. Bahala ka diyan.

"Sorry, may ginawa lang ako kanina."

Akala ko ba nakahiga na siya? Baka may asawa 'to. Lumayo muna siya sa asawa niya bago niya ako tinawagan.

Nawalan na ako ng gana. Hindi ko naman siya kilala personally at wala din naman kaming relasyon bukod sa pag-SOP namin once in a while.

Hindi din kami nagkikita, pero baka mabuking siya ng kaniyang asawa at mamaya awayin pa ako nito.

Thinking that I was a mistress makes me shiver with disgust. Kadiri ka, Loreigna. I blocked Derek's number. Itatapon ko na 'tong number na 'to bukas. Tinatamad na akong hanapin iyong pin, kaya bukas na lang.