Chapter 21 - Annoying Ex-Girlfriend's Mother

"Ano pong ibig niyong sabihin?" takang tanong ni Luke kay Damian.

"It's just my gift to you Luke. Gusto ko lang i-celebrate ang iyong pagkakatapos sa iyong poverty training at i-welcome ka sa mundo ng negosyo. Nang sa gayun ay makikilala ka ng iba pang negosyante at makilala mo rin sila."

Hindi alam ni Luke kung matutuwa ba siya sa gagawin ng kanyang tito. Naiintindihan niya ang layunin ng kanyang tito pero ayaw niyang maging masyadong high-profile lalo na't kakasimula niya pa lang sa business training.

"Nauunawaan kita uncle pero ang totoo—" Naputol ang sasabihin ni Luke nang isang pamilyar na boses ang biglang nagsalita sa kanyang likuran.

"Ano sa tingin mo ang ginagawa mo sa kanilang mesa Luke? Are you out of your mind?" Si Katarina iyon.

Mabilis na hinila nito si Luke at awkward na nagbigay ng ngiti kina Damian.

"Pasensya na kayo Mr. Barlowe, medyo wala sa katinuan ang binatang ito dahil kakahiwalay lang nila ng anak ko." paghingi ni Katarina ng paumanhin.

Naghalong pagtataka at in