Chapter 25 - Who's Gonna Win?

"Sa buong talambuhay ko ay ngayon ko lang narinig ang patungkol sa pamilya Cruise at kung gaano sila kayaman. At nagmula pa mismo ang impormasyong iyon sa'yo Young Master Cruise. Salamat sa pagbahagi." malugod na sambit ni Carlos.

Kasalukuyan silang nakasakay ng elevator ni Carlos. Kakagaling lang nila mag roving sa ibang palapag ng gusali. Naipaliwanag na ni Luke kay Carlos kung bakit kinailangan niyang magpanggap na security guard sa ENDX Corp sa kabila ng kanyang tunay na estado sa buhay. Makabuluhan naman lahat ng sinabi ni Luke kaya naninawala rin sa huli si Carlos.

"Pakiusap, Mr. Cruise o SG Cruise nalang ang itawag mo sa'kin."

Mahinang natawa si Carlos saka tumango-tango. "Pero Mr. Cruise, isang mahalagang sekreto ang ibinahagi mo sa'kin. Paano ka nakasisigurong hindi ko ibubunyag ang lihim mo o ng iyong pamilya?"

Nakataas ang kilay na tiningnan muna saglit ni Luke si Carlos. "May tiwala naman ako sa'yo. Kung sakali mang malaman kong ikinalat mo ang mga sinabi ko sa'yo ay hindi