Chapter 24 - Interrogation

"Hindi rin ako makapaniwala sa nangyari." sambit ni Bernard kay Luke. Kasalukuyan silang sakay ng kotse nito patungong Quezon. "Mabuti nalang at binuhay nito ang kanilang lider. Kasalukuyan nang iniimbestigahan ng awtoridad ang nangyari at kung sino ang kliyente nila."

"Saan pumunta ang umatake sa kanila pagkatapos?" tanong ni Luke. May pakiramdam siyang ang babaeng iyon at si Ms. Natalia ay iisa.

"Hindi ko alam. Pagbalik ng kuryente ay tanging mga nakahandusay na katawan ng bandido ang bumungad sa'min. Gladly ay walang nasaktan sa mga bisita ni Mr. Barlowe."

Si Luke ang nagpatay ng kuryente at siya rin mismo ang nagbukas nang marinig niyang tumahimik ang komosyon sa loob ng restaurant. Tulad nga ng kanyang inaasahan ay inatake rin ng kakaibang babae ang mga bandido na nasa loob ng restaurant.

Pero bakit sila nito tinulungan? Siya ba talaga si Ms. Natalia? Ang kakayahan nito ay imposibleng magawa ng isang normal na tao. Ibig lang nitong sabihin ay malamang na hindi tao si Natalia.

"Ako