Chapter 22 - The Four Business Titans

Pumasok sina Luke at Bernard sa isang private room ng restaurant. Nadatnan nila si Damian at isang lalaki na naglalaro ng chess. Sa isang mahabang sofa ay nakaupo pa ang dalawang lalaki na pinapagitnaan ang isang babae at tahimik lang ang mga itong nanonood kina Damian. Namumukhaan ni Luke na ang dalawang lalaki ay kasamahan ni Damian kanina sa mesa.

Unang nakapansin sa pagpasok nila ay ang babae. Unang tiningnan ng babae ay si Bernard pero nang ilipat nito kay Luke ang tingin nito ay napansin ni Luke ang kakaibang kinang sa mga mata nito nang magtagpo ang kanilang tingin. Hindi naman ito natamaan ng liwanag o hindi rin ito nakasuot ng contact lenses para kuminang ng ganun ang mga mata nito. Namalikmata lang ba siya?

Agad na nag-iwas ng tingin si Luke.

"May magagawa pa ba ako? Mukha atang talo na ako."

Dahil sa patalo na si Damian ay nakapokus lang ito sa board at hindi namalayan ang pagpasok nina Bernard at Luke.

"You can just resign Mr. Barlowe. Maliit lang naman para sa'yo ang isang