Chapter 20

"Oh ganoon ba, bakit ka nga pala nandito. Tila para yatang nababasa ko na mayroon kang sasabihin sa amin ng Dad mo?" Sambit pa ni Mom na tila napapaisip ng husto.

"Um, sa katunayan po Mom ay magpapaalam po sana ako sa inyong dalawa ni Dad sa aking gagawing pagra-ride mamaya. Kung iyon po ay ayos lang sa inyo, total matagal tagal din namang akong hindi nakapag-ride hindi po ba?" Ani ko pa na tila may pag-aalinlangan.

Napatigil naman sa pagbabasa ng dyaryo si Mom. "Hay nako ikaw talagang bata ka. At Sino naman ang kasama mong mag-ride samantalang wala na naman dito ang mga kaibigan at barkada mo," wika pa ng Mom ko sabay huminga nang malalim.

"Ako lang po Mommy. Simula pa naman nu'ng una ay nakasanayan ko nang mag-ride mag-isa,"

"At saan na naman ba iyang destinasyon mo ha?" Tanong niya habang napapaisip.

"Maglilibot libot lang naman po ako Mommy. Siguro doon pa rin sa lugar kung saan palagi kong pinupuntahan noon," ani ko pa.

"Osya mag-ingat ka ha at hinay-hinay lang sa pagda-drive. Ma