103

MAS BINILISAN pa ni Grayson ang pagmamanheo ng sasakyan at ganoon din ang itim na kotseng sumusunod sa kanila. Kita ni Naomi na kinakabahan din ito pero mas nangigibabaw ang galit nito. Kanina pa nga itong mura nang mura.

"Champagne, ok ka lang ba diyan?" nag-aalalang tanong niya dahil nakailang beses na silang binangga ng kotse mula sa likod. Tiningnan niya si Nonoy na nagising na rin dahil sa pag-uga ng sasakyan. "Nonoy."

"Ok lang ako, ate Naomi." Hinawakan nito si Nonoy at pinahigpitan ang seatbelt nito. "Sino ba sila? Bakit nila tayo sinusundan?" natatakot na tanong nito. Si Nonoy naman ay nagtataka sa nangyayari habang pinaglalaruan nito ang mga daliri.

"Hindi ko alam kung sino sila at oras na malaman ko kung sino sila, hindi nila magugustuhan ang gagawin ko sa kanila," banta ni Grayson.

Para silang nasa isang car race dahil sa bilis ng takbo ng kotse pero hindi pa rin nila matakasan ang humahabol sa kanila. Rinig na rinig ang pagkaskas ng gulong sa daan. Hindi na nga niya al