Kabanata 37

Dahan-dahang minulat ni Isabel ang mga mata, eto na naman ang makalumang lugar sa panaginip niya. Isang maganda at malaking bahay ngayon ang nasa harapan niya kung hindi siya nagkakamali ay ito ang bahay na nasusunog noon, pero ngayon ay maayos pa ito. Ang pinagtataka niya ay bakit nasa loob siya ng isang kotse at bumalik ang edad niya ng kaunti.

“Maria, mauna ka na sa loob, andoon na sila manang at paniguradong nakalinis na. May bibilhin at aasikasuhin lang kami sa may bayan para malaman nila na nakalipat na tayo rito sa lugar nila.” Paalam ng isang babae na sa tingin ng dalaga ay Ina niya. Tumango na lang siya dahil hindi naman niya alam ang sasabihin, ano na naman ba kasi ang ginagawa niya dito.

Pumasok siya sa loob ng bahay at sumalubong ang napakatamis na ngiti ng isang matandang babae, kusang gumalaw ang mga paa niya papalapit dito at niyakap ang matanda. Hindi alam ni I