2

Gabi na ng makauwi si Jared kasama ang tatlo nyang kaibigan. Sina Cristom, Nathaniel, at Jacob. Malalakas kumain ang magkakaibigan na 'to kaya marami akong niluto.

"Ya, pakikuha nung wine sa ref." Nasa labas ako ng marinig ko ang utos ni Jared.

Naabutan ko sila na nag iinuman pa rin sa kusina. "Ito na po Sir." Inilagay ko sa gitna nila ang wine.

"Pare, ang ganda talaga ng maid mo no? Mukhang bata pa." Napalingon ako sa nagsalita. Si Jacob. Nginitian ko lang sya.

"Oo nga! Hi, Elaisa, single ka pa ba?" Tanong naman ni Cristom. Nginitian ko lang din sila, lagi kasi nila akong niloloko.

"Umalis ka na." Mariing utos ni Jared.

"Opo." Sagot ko.

"Pare bakit mo naman pinaalis kaagad? Dideskarte pa nga lang ako eh!" Angal ni Cristom.

"Fck you ka Cristom!" Nagtawanan pa sila.

---

Lumabas na lang ulit ako at naupo sa swing. Malamig na ang gabi pero mas pinili kong mag stay dito, nakakarelax, sa loob kasi puro usok ng sigarilyo.

"Gabi na. Bakit nasa labas ka pa?" Nagulat ako sa nagsalita kaya napatayo ako kaagad.

"S-Sir Nathaniel, may ipag uutos pa po ba kayo?" Tinitigan nya lang ako ngumiti ng napakatamis.

"Don't call me Sir, I know everything." Nakangiting sabi nya.

"Po?" Kinabahan ako bigla.

"Alam kong hindi ka katulong. Asawa mo si Jared." Napayuko ako sa sinabi nya. Alam nya ang totoo.

"Bakit nyo ginagawa 'to?" Naguguluhang tanong nya.

"Dahil 'yun naman ang dapat." Nangingilid na ang luha ko.

"Nang dahil lang sa pera? Alam kong nasasaktan ka nya Elaisa, bakit ka pumapayag?" Alam kong naaawa na sya sa akin.

"K-Kasi mahal ko sya." Napahagulgol na ako. First time na may taong kumausap sa akin tungkol sa pinagdadaanan ko. "Mahal ko sya. Na k-kahit ang sakit sakit na ay kumakapit pa rin ako."

"Matigas na tao si Jared. Alam naming lahat 'yun kaya nagtaka kami noong nalaman namin na kasal na sya." Paliwanag nya.

"Alam din ba nila?"

"Yes, alam din nila Cristom at Jacob na ikaw ang asawa nya." Paglilinaw nya.

Lalo akong naiyak. Nagmukha akong tanga sa harapan ng kaibigan nya.

"I'm sorry Elaisa. And thank you for loving Jared." Niyakap ako ni Nathaniel.

In that way, naramdaman ko na may nakakaintindi pa rin sa akin. Na kahit hindi nya ako ganoon kakilala ay nararamdaman nya ang pinagdadaanan ko.

"Anong ginagawa nyo?" Napahiwalay ako kay Nathaniel ng marinig ko si Jared.

"Iyakin pala 'tong asawa mo Pare." Natatawang sabi ni Nathaniel.

"Tara pare, uuwi na kami Jared. Next time na lang ulit." Sabi ni Cristom at kinindatan pa ako nito.

Tinignan na lang namin ang papalayong sasakyan nila. Sana meron din akong kaibigan na kagaya nila, 'yung mapagsasabihan ko ng problema.

"Ang galing mo ring babae ka no? Talagang kaibigan ko pa talaga ang binibiktima mo! Wala ka bang hiya?!" Nagulat ako sa biglang pagsigaw nya kasabay ng isang malutong na sampal.

"M-Mali ka ng iniisip. Nag usap lang kami." Alam ko naman na kahit ano ang paliwanag ko ay hindi sya maniniwala pero sinusubukan ko pa rin.

"At ano? Nagsusumbong ka?! Ha?!" Hinaklit nito ang braso ko, napangiwi ako sa sakit.

"Hi-Hindi! Nasasaktan ako Jared!" Pilit kong tinatanggal ang kamay nya kaso sadyang malakas lang talaga sya at parang walang nangyari. Natatakot ako sa mga tingin nya, parang handa syang pumatay.

"Magkano ka ba ha?!" Lalo akong naiyak. Kung tratuhin nya ako ay parang isang bayarang babae.

Umiyak na lang ako ng umiyak.

"Manahimik ka! Wala kang karapatang umiyak!" Binitawan nya ako kaya napaupo ako sa lupa.

Pumasok na sya sa bahay at narinig kong nilock nya ang pinto. Hindi ito ang unang beses na pinagsaraduhan nya ako, siguro ay mga limang beses na. Dito na naman ako matutulog sa duyan.

Pinagmasdan ko ang braso ko, nandun pa rin ang pasa. Hinawakan ko ang pisngi ko, makirot. Pagpasok ko kanina sa trabaho, napansin ng Manager namin na namumutla ako kaya pinagleave nya ako ng 2 weeks, ayoko sana kasi sayang ang leave ko, pero no choice kasi kailangan ko rin talaga ng pahinga.

---

Napabalikwas ako ng tayo ng marinig kong bumukas ang pinto. Nakita ko si Jared na lumabas ng bahay na nakabusiness attire na.

May binato sya sa aking maliit na papel. "Puntahan mo 'yan mamaya sa mall, ipakita mo lang ang ID mo." Sabi nya.

Binasa ko ang nasa papel, calling card pala 'yun na may address at pangalan ng store Elaisa's Closet, ang galing kapangalan ko.

"Anong meron?" Di naman sigurong masama magtanong.

"It's wedding anniversary of Mommy and daddy mamaya. Ipapasundo kita sa driver ko mamayang 8pm." Sabi nito at umalis na.

Muntik ko ng makalimutan na anniversary pala nila tita at tito, kailangan kong maghanap ng pwedeng ipangregalo sa kanila. May ipon naman ako, siguro sapat na 'yun.

Tanghali na ng makarating ako sa Elaisa's Closet. May lumapit sa aking babae na di ganun katanda.

"Yes ma'am?" Nakangiting tanong nya sa akin. Kagaya ng sinabi sa akin ni Jared, inabot ko sa kanya ang ID ko. Nanlaki ang mata nito.

"Nandito na si Ma'am Elaisa!" Pag aanunsyo nya. Bigla naman nataranta ang mga staff at pumila.

May lumapit sa akin na babaeng nasa 40 ang edad. "Good afternoon Ma'am. Ako po si Nanita, ang manager ng store nyo."

Store ko? Teka. Ano ba ang nangyayari. "Po?" Yun na lang ang nasabi ko.

"Sa office po tayo." Inakaya ako ni Nanita papunta sa isang kwarto at pinaupo ako. "Ma'am, kayo po ang may ari ng store na 'to. Pinatayo po 'to ni Madam Daniella para sa inyo."

Nanlaki ang mata ko. Napakabait talaga ng nanay ni Jared, gustong gusto nya ako bilang daughter in law. Nasabi ko kasi sa kanya na pangarap ko talagang maging designer, nag aral ako kaso one year lang ang inabot ko. Mahal na kasi.

Naiyak ako sa sobrang tuwa. "Salamat." Nayakap ko pa si Nanita sa sobrang saya.

Sinukatan ako ni Tanya at Rose,  mga mananahi ng store.

"Ma'am, anong nangyari sa braso nyo." Tanong ni Tanya ng mapansin nya ang braso ko.

"A-Ano, tumama lang sa pader." Sagot ko.

"Kailangang inabot natin sa siko ang sleeves para matakpan 'to, may suggestions po ba kayo?" Tinignan ko si Tanya.

"O-Okay sana kung nude 'yung kulay ng dress, tapos backless ang likod." Sana hindi nila isipin na nagmamarunong ako.

"Nice idea Ma'am! Tapos lagyan natin ng kaunting sequence ang harap! Gusto ko na kapit na kapit sa katawan nyo Ma'am dahil sexy naman po kayo." 

Sana maging maganda ang kalabasan.