Seduced.08 - Si Bes ay...

Elisha’s

“Nasaan ba si Alejandros?”

Nabungaran ko na si Cachi sa kusina namin. Iyong maid niyang si Paula ang nagluluto ng almusal habang dala niya si Rom kasi dumedede ito sa kanya. It’s easy to distinguish the twins, si Rem kasi palaging naka-green na suot tapos si Rom, blue. Mukhang okay na naman na si Cachi, hindi ko na siya naririnig na umiiyak o kung ano-ano ang sinasabi. Ang alam ko normal naman sa kapapanganak ang malungkot. Ako nga after kong manganak, ayaw kong hawakan si Alba. Umiiyak ako nang walang dahilan but then I got better and it’s all because of Alba too.

“Baka pumasok na sa work. Alam ko, bukas pa siya babalik kasi may seminar yata sila sa office niya.” Naupo ako sa silya sa tabi niya. I was smiling as I was looking at Rom, ang cute noong baby, ang pula ng pisngi.

“Si Alba?” She asked again.

“Tulog pa. In-on ko iyong baby alarm para marinig ko siya. Kakulit, kagabi ay halos hatinggabi na natulog, naglalaro kasi sila ni Alele nang kung ano, hagikgik nang hagikgik.”