THREE- VOLUNTEER MYSELF

"Kaya mo iyan, Clarisse, go girl!" malakas niyang sabi sa kanyang sarili habang naglalakad papunta sa Office of The Student Council.

Sobra sobra ang kabog ng kanyang puso.Habang papalapit ng papalapit siya sa pakay ay tila naman naghuhumiyaw sa kaba at kilig ang kanyang nararamdaman.

Tumigil siya sandali sa paglalakad sa hallway at pilit na pinapakalma ang sarili.Ipinaypay niya ang dalawang kamay sa sarili dahil pakiramdam niya ay kinakapos siya ng hininga.

Ganito siya kung may gustong gusto na maabot at makuha.Pinagpapawisan siya ng sobra sobra.Kahit winisik niya na halos lahat ng laman ng pabango niya ay pakiramdam niya ay ang baho baho niya na agad dahil sa sobrang pawis.

"Remember, Clarisee, what you want, you get, ahhhh...bahala na nga!" pampalakas niya ulit sa sarili.

Kinuha niya ang panyo sa bulsa ng kanyang pantalon at bahagyang pinunasan ang noo at ibinalik din agad sa bulsa.

Agad na siyang tumalima at naglakad.Nakita niya naman na maraming mga estudyante ang nakalinya sa labas ng opisina.

Tumakbo na siya palapit dito.Nagtataka man sa anong mayroon, agad din siyang nag-usisa sa huling estudyante sa linya.

"Miss, puwede magtanong, ahhh eh, anong mayroon, bakit ang haba ng linya?" prente niyang sabi.

"Magbobolunter ka rin ba,Miss?" tanong nito.

"What volunteer?" maarte niyang sabi.

"Para sa coming election, kailangan kasi ng partido ni Chris ng volunteer watchers at magbibigay ng snacks ngayong election," saad pa nito.

"Nope, I am here to talk with my president," malabong iboluntaryo niya ang sarili para sa ganitong aktibidades.

"Naku, mahihirapan kang makausap si Chris ng personal, iyong magvovolunteer lang ang gusto niyang emeet ngayon. Kaya ako sa iyo, magvolunteer ka na lang tulad namin, I am sure tulad ka rin namin na gustong makita ang ultimate crush ng bayan," mahaba nitong turan.

"Whatever!" wala na nga siyang naggawa at nakipagsiksikan na rin sa linya upang makita si Chris sa malapitan.

Mabuti na lang at umabot pa siya sa cut-off na 20 volunteers.Nasali pa siya sa listahan.

Nang matapos niyang isulat ang kanyang panglan at iba pang detalye na kinakailangan sa volunteer watcher's form ay agad na siyang pinapasok sa isang silid na palagay niyang session room.

Pagpasok niya sa silid ay halos lahat ng mata ay sa kanya.Prenteng nakaupo na ang labing siyam na mga volunteers at siya na lang ang hinihintay.

"Good afternoon," maikli niyang bati.

"Good afternoon, too, you are?" nakangiting sabi ni Chris na nakatunghay sandali sa kanya at ibinalik din sa hawak hawak na listahan.

"Clarisse Morales," maarte niyang sabi.

"Oh, I see, you are still a freshman student, are you sure you are willing to help? " tila nahihimigan niya ang pagkawalang tiwala sa kanyang kakayahan mula kay Chris.

"Oo naman, Mr.President, I volunteer myself here," may pinalidad sa tono ng kanyang sinabi.

Dagli niyang nakita ang pagkaaliw sa mga mata ni Chris at agad din itong napawi at nagseryoso.

"Okay, Miss Morales, you may take your seat,magsisimula na tayo sa ating meeting," sabi nito na bumalik na sa gitna ng malapad na mesa kung saan napapaibutan na ng mga estudyante na karamihan ay mga babae.

Isang upuan na lang ang bakante at iyon ay ang kabilang dulo ng lamesa kaharap kay Chris.

Tinungo niya ang bakanteng upuan at umupo paharap kay Chris.Muling nagtama muli ang kanilang mga mata.

Tila siya nasa alapaap at natulala sa mga maiitim at nangungusap nitong mga mata na nakatitig sa kanya.

Tumikhim ito at nagsimula ng magsalita at inilibot na ang paningin sa lahat ng mga volunteers sa loob ng session room. Talagang kagalang- galang ang postura ng kanyang ultimate crush.