Chapter 19 - Hinala!

Tahimik lang ako sa gilid ng kama ng kapatid ko kasama ko si ate Li Jing pati si ate Xiulan. Nang nakaraang araw nagtataka ako kung bakit madalas akong mapagod sa trabaho na dati hindi nangyayari sa akin.

Kaya madalas nasa bahay lang ako at nagtataka ang pamilya ko. Hindi ko rin maintindihan ang nangyayari sa akin dahil alam kong wala akong sakit.

"Yuan, may nangyari ba sa inyong dalawa ni Liam?" tanong ni ate Xiulan nang lumapit ito sa akin yumuko naman ako dahil nahihiya akong umamin.

Tinaas ni ate ang mukha ko at naiiyak akong tumitig sa kanilang dalawa.

"Nang maiwan kami sa ibang bansa—" putol ko nang sampalin ako ni ate Xiulan sa mukha mas lalo akong umiyak.

"Nagtataka na ang magulang natin, Yuan pati kami ni Li Jing kung anong meron sa'yo at madalas kang pagod na walang dahilan at tama ang hinala namin ni Li Jing, alam mo bang buntis ka?" seryosong tanong ni ate umiling ako kaagad sa sinabi niya.

"Buntis? Hindi ko pa alam kung buntis ako." pag-amin ko, at mas lalo akong umiyak sa