Kabanata 7

Nang makitang kinukutya si Charlie ng kanyang mga magulang, nagbuntong-hininga si Claire at sinabi, “Pa, Ma, huwag niyong sisihin si Charlie para dito. Ito ang aking ideya. Ayoko nang maliitan nila ang ating pamilya. Hindi pa ba sapat ang pagdudusa natin sa mga nagdaang taon?”

Sinabi nang ina ni Claire, “Kahit na, hindi mo dapat kinuha ang ganitong gawain. Hindi lang ikaw, kahit pa pumunta ang iyong lola, hindi siya papansinin!”

Mayroong mapait na ngiti si Charlie habang pinakikinggan ang pagtatalo. Pupusta siya na ang kanyang mga supladong biyenan ay hindi maniniwala na siya ang totoong nagmamay-ari ng Emgrand Group.

Sa sandaling ito, mayroong katok sa pinto.

“Papunta na…”

Naglabas nang malalim na bugtong-hininga si Elaine habang siya ay naglakad sa pinto at binuksan ito.

Nilipat ni Charlie ang kanyang tingin sa pinto at nakita ang isang batang lalaki na may suot na Armani habang nakatayo sa pinto. Ang lalaki ay kahanga-hanga at kaakit-akit na may relong Patek Philippe sa kanyang pulso, na mukhang apat na milyong dolyar ang halaga.

Tumili nang sabik si Elaine, “Aba, Wendell! Bakit ka nandito?”

Ang lalaki ay si Wendell Jones, ang batang lalaki mula sa pamilya Jones na walang tigil ang paghabol kay Claire.

Ngumiti si Wendell at sinabi, “Tita, narinig ko ang negosasyon ni Claire at Emgrand Group, nandito ako para bigyan siya ng kaunting ideya.

“Hala, ikaw talaga ang tagapagligtas ng aming pamilya!”

Sobrang nasabik at nanginig si Elaine at tumingin siya sa kanya nang malambing na para bang nakatingin siya sa kanyang manugang na lalaki. Agad niya siyang pinapasok sa bahay at sinabi, “Wendell, maaari mo bang tulungan si Claire na makuha ang kontrata sa Emgrand Group?”

Tumango nang may magalang na ngiti si Wendell. Talagang hindi niya pinansin si Charlie, tinrato siya na parang langgam. Naglakad siya diretso kay Claire at sinabi nang marahan, “Claire, bakit hindi mo sinabi sa akin ito? Malaking bagay ito. Gayunpaman, huwag kang mag-alala, may connection ang aking pamilya sa Emgrand Group. Kakausapin ko ang aking ama, tignan natin kung paano ka namin matutulungan dito.”

Sa totoo lang, hindi talaga maimpluwensya ang tatay ni Wendell tulad nang sinasabi niya, gusto niya lang makuha ang puso ni Claire kaya niya ito sinabi.

Alam ni Claire na may gusto sa kanya si Wendell, kaya sinabi niya nang walang interes, “Wendell, salamat sa mabait mong alok, pero salamat nalang, ako na ang maghahanap ng paraan.”

Napanganga si Elaine sa gulat at sinabi, “Claire, baliw ka ba? Mabait at mapagbigay na si Mr. Jones upang bisitahin ka at tulungan ka, paano mo nasabi ang mga ganyan?”

Nanatiling tahimik si Claire, ngunit tinanong ni Charlie nang nakakaintriga si Wendell, “Mr. Jones, nauusisa ako, paano mo matutulungan si Claire? Sobrang laki ng Emgrand Group at sa tingin ko ay wala ka masyadong impluwensya sa kanila, tama? At ngayon sinasabi mo na mayroon kang paraan upang tulungan si Claire na makakuha ng kontrata?

Nanuya nang mapanghamak si Wendell at sinabi, “Anong nalalaman mo? Matagal nang nagtutulungan ang pamilya Jones at Emgrand Group. Ngayon, ang aming pamilya ay makakakuha ng isang-katlo sa dalawang bilyong dolyar na proyekto! Bago yon, kakausapin ko ang aking ama na magbigay ng sampung milyong dolyar bilang isang pangalawang kontrata para kay Claire – Tapos ang usapan, hindi ba?”

Nasorpresa si Charlie, “Aba! Hindi ko alam na may malapit na ugnayan pala ang pamilya Jones at ang Emgrand Group!”

Nanuya si Wendell. “Syempre! Alam ito ng lahat sa Aurous Hill!”

Pagkatapos ay masungit niyang tinignan si Charlie at sinabi, “Charlie Wade, bibigyan kita ng payo. Ang isang palaka sa loob ng balon na tulad mo ay dapat nang iwanan si Claire. Ang isang walang pag-asang lalaki na tulad mo ay hindi siya mapapasaya, magiging pabigat ka lang.”

Malamig na sinabi ni Claire, “Pasensya na, Mr. Jones, hindi ko kailangan ang tulong mo at paki-ingatan ang mga sinsabi mo!”

Natulala si Wendell at sinabi nang hindi makapaniwala, “Claire, tinutulungan kita, bakit mo pa rin kinakampihan ang talunan na ito? Bakit mo siya pinoprotektahan?”

Sinabi ni Claire sa seryosong tono, “Hindi siya talunan, siya ang aking asawa!”

Isang mapanglaw na ulap ang dumaan sa mukha ni Wendell. Siya ay nagalit, “Sige! Yan ang gusto mo, bahala ka! Gusto kong makita kung paano mo ito maaayos! Huwag kang iiyak sa akin dahil hindi kita binigyan ng pagkakataon kapag nabigo ka!”

Pagkatapos, tumalikod si Wendell, dinabog ang pinto, at umalis.

Hinabol nang mabilis ni Elaine si Wendell, pero wala na siya. Galit niyang sinampal ang kanyang mga hita, tinuro ang ilong ni Charlie, at sumigaw, “Ikaw! Gaano ka kangahas! Ano pang ibang gagawin mo bukod sa pagiging pabigat kay Claire? Mabait na magbibigay ng tulong si Mr. Jones pero tinaboy mo siya!”

Sinabi nang walang ekspresyon ni Chaarlie, “Ina, puro salita lang siya. Hindi nga siya makakuha ng kontrata sa Emgrand, paano niya tutulungan si Claire?”

“Kalokohan!” Pinagalitan ni Elaine, “Anong alam mo, ignorante kang tanga! Ang pamilya Jones ay kayang kumuha ng isang-katlo sa dalawang bilyong dolyar na kontrata!”

Hindi nagpahayag ng damdamin si Charlie ngunit sa kanyang puso, siya ay nakangiti habang iniisip, “Hindi ko alam kung gaano makapangyarihan ang pamilya Jones, pero alam ko na ang aking Emgrand Group ay hindi na magkakaroon ng anumang koneksyon sa kanila! Kahit na nagtulungan sila sa maraming proyekto dati, simula ngaayon, lahat ng ito ay ipapatigil na!”

Syempre, hindi nababasa ni Claire ang isip ng kanyang asawa. Humarap siya sa kanyang ina at sinabi, “Ma, huwag mong sisihin si Charlie. Hintayin mo lang na makabalik ako sa Emgrand Group!”

“Hah!” Nagbuntong-hininga si Elaine dahil sa pagkadismaya, ang pakiramdam niya ay hindi patas ang panginoon sa kanya. Pinakasalan niya ang isang walang kwentang lalaki, habang ang kanyang anak na babae ay pinakasalan ang mas walang kwentang lalaki!

Ano bang nagawa niya para magkaganito!