Kabanata 6

Ang anunsyo ni Claire ay nagpadala ng isang alingawngaw sa buong silid, ang lahat ay napanganga sa sobrang gulat.

Inisip ng lahat na wala na sa kaisipan si Claire!

Ito ang pinakapangit na oras upang tumayo at magpasikat! Bukod sa malungkot na pagkabigo, wala na siyang ibang makukuha!

Ang Emgrand Group ang pinakamalaking kumpanya sa Aurous Hill at ang pamilya Wilson ay wala kundi isang hamak na langgam lamang sa kanila! Kung sino man ang tatanggap ng hamon ay mabibigo lamang!

Hindi maiwasanag mangutya nang sarkastiko si Harold, “Claire, sa tingin mo ba ay makakakuha ka ng kasunduan mula sa Emgrand Group?”

Nagpatuloy si Wendy na may pangungutyang tono pagkatapos ng kanyang kapatid na lalaki, “Claire, sino ka ba sa tingin mo, ano ang tingin mo sa Emgrand Group? Ang pagiging walang ingat at hindi makatwiran mo ay magpapahiya lamang sa atin, ang pamilya Wilson!”

Nagdagdag pa ang isang tao, “Tama si Wendy! Kung siya ay papaalisin ng Emgrand Group, magiging katawa-tawa ang pamilya natin sa Aurous Hill!”

Bugso ng dugo ang dumaloy sa mukha ni Clare at naramdaman niyang nag-iinit ang kanyang mukha sa kahihiyan.

Ang kanyang katayuan sa pamilya ay bumulusok simula noong pinakasalan niya si Charlie. Hindi lamang siya pinabayaan ng kanyang pamilya at siniko sa gilid ngunit kinutya rin ang kanyang mga magulang.

Naramdaman niya na kung siya ay makakakuha ng kasunduan sa Emgrand Group, mapapatag niya ang kanyang posisyon sa pamilya.

Ang pinakamahalaga ay ang kanyang mga magulang ay makakatayo ng tuwid at maipagmamalaki niya kung sino sila.

Ngunit sa ilalim ng mga sarkastikong komento at pagkondena, gusto niyang umatras sa kanyang katawa-tawang ideya.

Tumingin siya nang naiinis kay Charlie. Paano niya napilit siya at bakit siya nakinig sa kanya? Hindi dapat siya nagpahayag ng katawa-tawang mungkahi sa una pa lang…

Galit na galit si Lady Wilson habang siya ay nakikinig sa usapan ng mga manonood.

Walang nangahas an kunin ang gawain pagkatapos niyang magtanong nang ilang beses. Ngayong naging matapang si Claire at tumayo upang tanggapin ang hamon, nagsimula silang kutyain siya!

Hindi gusto ni Lady Wilson si Clare, ngunit sa sandaling ito, siya ay masaya dahil handa si Claire gawin ang imposibleng hamon kahit papaano, hindi tulad ng ibang miyembro na nagbibigay lang sa kanya ng problema.

Lalo na ang kanyang paboritonog apo, si Harlod! Talagang nakakabigo siya!

Dahil dito, malaki ang pagbabago ng saloobin ni Lady Wilson kay Claire. Agad niyang sinabi, “Tigilan niyo na ang kalokohan niyo, mga duwag! Ipapasa ko kay Claire ang pagkuha ng kasunduan sa Emgrand Group!”

Malambing na bumulong si Claire, “Huwag ka mag-alala, lola, susubukan ko ang lahat ng aking makakaya.”

Umihip ng hangin si Harold sa kanyang ilong at malamig na kinutya, “Susubukan mo ang makakaya mo, tapos? Papahiyain mo kami kapag nabigo ka!”

Nagtanong nang may pangungutyang tono si Charlie, “Harold Wilson, bakit mo kinukutya nang ganyang si Claire? Sa tingin mo ba ay hindi kwalipikado ang pamilya Wilson na makipagkoopera sa Emgrand Group?”

Hindi inaasahan ni Harold na ang talunan na si Charlie Wade ay nangahas na magsalita sa pagpupulong ng pamilya, lalo na sa pangungutyang tono.

Nang makita ang galit na unti-unting lumalabas sa mukha ni Lady Wilson, agad siyang nagpaliwanag, “Hindi, hindi gano’n ang ibig kong sabihin, sa tingin ko lang ay imposibleng makakuha ng kasunduan si Claure! Iyon lang!”

Tumawa nang naaaliw si Charlie at tinanong, “Paano kung nagtagumpay siya? Gusto mo bang pumusta?”

Palihim na ngumiti si Harold. “Sige, magpustahan tayo! Sa tingin mo ba ay matatakot ako sa sa banta mo? Anong gusto mong ipusta? Pakikinggan kita.”

Sinabi ni Charlie, “Kung magtatagumpay si Clare, luluhod at yuyuko ka sa aking paa at aaminin na nagkamali ka sa harap ng lahat. Kung siya ay mabibigo, ako ang luluhod at yuyuko sa iyong paa at aaminin na mali ako. Ano sa tingin mo?”

“Hahaha!” Tumawa nang malakas si Harold. “Hinuhukay mo talaga ang libingan mo, talunan! Sige, tatanggapin ko ang hamon mo!”

Tumango nang nalulugod si Charlie at sinabi, “Kayong lahat, kayo ang aming mga saksi. Kung sino man ang aatras sa pusta ay mamatay ang kanyang ama, ina, lolo, at lola!”

Sadya niyang binigyan-diin ang salitang ‘lola’ nang malakas at malinaw, dahil ayaw niyang sirain ni Harold ang kanyang pangako pagkatapos niyang matalo.

Hindi mangangahas na sirain ni Harold ang kanyang pangako pagkatapos ng ganitong pahayag. Kung talagang aatras siya, ang ibig sabihin ay sinusumpa niya ang kanyang lola, si Lady Wilson, na mamatay! Hindi siya kikilingan ni Lady Wilson nang gano’n lang!”

“Sige!” Inisip ni Harold na nasa panalong panig siya, ngunit ang hindi alam ni Harold ay tumalon siya sa bitag ni Charlie. Tumawa siya nang malakas at sinabi, “Kayong lahat, kayo ang aking saksi, hihintayin kitang lumuhod sa harap ko!”

Nagulat si Claire sa lahat nang nangyari at patuloy ang pagsenyas niya kay Charlie gamit ang kanyang mga mata, ngunit hindi hindi siya pinansin ni Charlie.

Walang pakialam si Lady Wilson sa pustahan. Ang pag-aalala lang niya ay kung makakakuha ba ng lugar ang Wilson Group sa listahan ng pakikipagtulungan ng Emgrand Group. Kung makakakuha sila, wala siyang pakialam kahit na tawaging papa ni Harold si Charlie, lalo na ang pagluhod sa kanya.

Kaya, mahinahon niyang sinabi, “Mabuti, iyon na ang lahat. Claire, mayroon kang tatlong araw upang makipagkasundo at makuha ang kasunduan. Makakaalis na ang lahat!”

***

Pagkatapos umuwi, ang mga magulang ni Claire ay hinarap ang magnobyo.

Ang ina ni Claire, si Elaine Wilson, ay naglalakad nang mabilis sa kwarto at sinabi nang nabalisa, “Claire, baliw ka na! Paano ka nakinig sa talunan at tinanggap ang gawain nang hindi nag-iisip?”

Ang ama ni Claire, si Jacob Wilson, ay lumingon kay Charlie at sinumbat, “Charlie, ikaw walang lunas na talunan, tinulak mo ang aking mahal na anak sa hukay!”

Ang kanyang mukha ay namula habang siya ay nagpatuloy, “Kung mabibigo si Claire, siya ay kukutyain ng buong pamilya, at ikaw! Kailangan mong lumuhod kay Harold na parang alila sa harap ng buong pamilya! Ang aking dignidad ay masisira!”

Sinabi nang tapat ni Charlie, “Ama, Ina, ang lahat ay ayos lang kung magtatagumpay si Claire sa negosasyon at makuha ang kasunduan, tama ba ako?”

“Anong negosasyon!” Sumigaw nang galit si Jacob, “Mayroon ka bang ideya kung gaano kalakas ang Emgrand Group? Hindi nila papansinin ang pangkaraniwang pamilya Wilson!”

Sinabi nang nakangiti ni Charlie, “Marahil ay may pumansin sa atin, hindi mo alam iyon. Sa totoo lang, mayroon akong tiwala kay Claire, sa tingin ko ay madaling makukuha ni Claire ang kasunduan.”

Kinutya nang mapang-asar ni Elaine. “Sa tingin mo? Sino ka, sa tingin mo ba ay ikaw ang nagmamamay-ari ng Emgrand Group? Isa ka lamang talunan, isang basura, paano ka nangahas na maging walang alam at kumpiyansa?”