AYW - 12

"Anong ginagawa natin dito? Hindi ba tayo uuwi sa apartment mo?" tanong ni Samantha kay Drake nang makita niyang nasa harap sila nang gate nang mansion nila. Bumaba sila sa taxi at ganoon na lamang ang gulat niya nang nasa harap sila nang gate nang mansion nila. Matapos ang nangyari kanina sinabi nang binata na uuwi na sila akala naman niya sa apartment na ang tuloy nila.

"Uuwi ka pa din doon matapos ang nangyari kanina?" Tanong nang binata saka tumingin sa dalaga.

"Pero doon ang bahay natin hindi ba?" tanong nang dalaga.

"Bahay ko lang. Dito ka nakatira." mariing wika nang binata. Napakagat nang labi naman ang dalaga. She was hurt with those words. Ibig bang sabihin noon hindi talaga siya itinuring na pamilya nang binata? Alam naman niyang napilitan lang ito. But hearing him say it kahit alam na niya nasasaktan pa rin siya.

"Ibig mong sabihin----" Putol na wika nang dalaga nang biglang bumukas ang gate. Para bang inaasahan na nang mga tao sa mansion ang pagdating nila.

"Let's go." anang binata at nagpatiuna. Napatingin lang si Samantha sa binata habang papasok ito nang gate. Ibig bang sabihin nang paghatid nito sa kanya doon ay iuuwi na siya nito sa mansion. Sa mariing sabi nito na hindi niya bahay ang apartment ibig bang sabihin kahit kailan hindi naman talaga siya itinurin na asawa nang binata. Biglang napatulo ang luha niya dahil sa kakaisip noon.

"Ano ba tatayo ka nalang ba diyan?" wika nang binata na tumigil sa paglalakad saka nilingon siya.

“Bakit tayo nandito?” tanong nang dalaga habang nakahawak nang mahigpit sa dulo nang damit niya and she was trying to hard na hindi mag crack ang boses niya.

“Kakasabi ko palang na dito ka nakatira saan naman kita ihahatid bukod dito.” Sagot nang binata.

“You insisted to love sa apartment mo. I am okay with it. Dahil nandoon ka.” Anang dalaga.

“Hindi tayo mag-uusap tungkol diyan. Just walk. Naghihintay na sila.” Pasimple namang pinunasan nang dalaga ang luha niya saka naglakad papalapit sa binata hindi naman niya mapupwersa ang binata na magkagusto sa kanya gayong napilitan lang din itong magpakasal sa kanya. She tries to show him she is conceited and full of herself. Not to piss him but to show him that she is strong pero ngayon ayaw lumabas nang pagiging conceited niya she is hurt with his action. Pakiramdam niya parang isinusuli siya nang binata. Even if he don’t like her. Hindi bai to pwedeng mag pretend na okay lang dito na magkasama sila sa iisang bahay? Wala naman siyang reklamo pero bakit bigla-bigla ang desisyon nang binata. Dahil sa nangyari kanina? Pwede naman siya nitong pasabihan. Pero bakit bigla silang darating dito sa mansion.

*****

Lolo." wika ni Samantha nang dumating sila sa mansion at agad na niyakap ang lolo niya saka walang tigil na umiyak ang kaninang sakit sa dibdib na pinipigilan niya ay malaya niyang pinawalan habang yakap ang lolo niya.

"What happened apo?" wika nang matanda saka niyakap ang apo saka marahang tinapik ang likod nito saka napatingin sa binatang nakatayo. Nakatingin din ang lahat dito.

"Anong nangyari? Bakit umiiyak ang apo ko?" Tanong nito kay Drake.

"What do you expect?" wika nang matandang lalaki. "Hindi sanay tumira sa isang maliit na apartment ang apo mo ang you expect her na maging okay? Tingnan mo dalawang araw palang umuwi na sila dito." dagdag pa nito. Napatingin naman si Drake sa kapatid nang matanda.

"It's okay apo. Hindi na ako papayag na bumalik ka sa apartment na iyon." wika pa nito at bumaling kay Drake. "Dito na kayo titira simula ngayon." mariing wika nito. Pero para kay Samantha hindi naman ang pagtira sa apartment ang dahilan kung bakit siya umiiyak pero ang katotohanang ayaw siyang makasama ni Drake.

“Drake. Narinig mo ba ang sinabi ko. Walang kang sasabihin na makakapagpabago nang pasya ko. Dito kayo titira.” Wika nang matanda saka tumingin sa binata. Tumango naman si Drake. Wala siyang tutol kung doon sila titira. Hindi naman sa gusto niyang tumira sa mansion pero kung hahayaan niya sa lugar na iyon si Samantha tumira baka mapahamak ito. Gusto niyang maghigante pero hindi naman ibig sabihin noon gusto niyang may mangyaring masama sa dalaga.

“Tayo na ihahatid kita sa silid mo nang makapagpahinga ka.” Wika nang matanda saka inakay ang dalaga paakyat susunod sana si Drake sa dalawa nang bigla siyang pigilan nang assistant nang matanda.

“Bakit?” Tanong nang binata saka napatingin sa kamay nang lalaki na nakahawak sa braso niya.

“Anong nangyari kay Sam?” tanong nito.

“Ano namang mangyayari sa kanya?” anang binata at inagaw ang braso sa assistant. Hindi niya nagugustuhan ang pagiging overprotective nito. Sa napapansin niya hindi lang assistant ang papel nito sa mag-lolo.

“Binabalaan kita. Kahit na isang arrange marriage lang ito. Huwag na huwag kong malalaman na umiiyak si Samantha dahil saiyo.” Wika nito.

“Dapat inisip niyo yan bago niyo ipinagpilitan na magpakasal kami.” Anang binata saka naglakad pasunod sa maglolo. Napakuyom nang kamao naman ang assistant saka napatingin sa binata.