AYW - 28

“Gawin mo ang gusto mong gawin. Kahit naman sabihin kong huwag kang pumunta dito. Matigas ang ulo mo. Pupunta ka pa din.” Wika ni Drake sa dalaga.

“Pupunta ka rin naman diba?” nakangiting wika nang dalaga sa binata.

“Kung hindi ako pupunta sinong kasama mo?” wika nang binata. Napangiti naman ang dalaga dahil sa sinabi nang binata.

Bakit ka nakangiti nang ganyan. Wala naman akong espesyal na ginawa. Ang babaw nang kaligayahan mo. Wika nang isip nang binata habang nakatingin sa matamis na ngiti nang dalaga.

“Bakit ka nakangiti?” tanong ni Drake sa dalaga. “Para kang sira.” Wika nang binata saka nagpatiunang maglakad sa kanila. Taka namang napatingin sina Juno, Nancy at Samantha sa binata.

“Masaya lang ako. Gusto mo bang mag shopping nag susuotin para mamaya?” tanong nang dalaga saka sumunod sa binata.

“Hindi na magastos.” Wika nang binata napatuloy nang lakad.

“Ang galing mo kanina. Akala ko talaga hindi ka maglalaro. Ang dami mo ding mga tagahanga. Nakakabingi ang mga hiyawan nila.” Wika nang dalaga habang nakasunod sa binata.

“Ah.” Daing nang dalaga nang biglang tumama ang mukha niya sa likod nang binata nang bigla itong tumigil sa paglalakad. “Aw.” Daing nang dalaga sabay hawak sa noo niya at napatingin sa binata.

“Bakit ka ba biglang huminto sa paglalakad?” tanong nang dalaga saka napatingala sa binata.

“Bakit ang ingay mo?” tanong nang binata.

“Ha?” gulat na wika nang dalaga.

“Anong ha. Ang ingay mo. Ganito ka ba kadaldal?” tanong nang binata.

“Masaya lang ako dahil sa Pumayag kang pumunta ako sa grandball niyo mamaya.”

“Yun lang masaya ka na?” tanong ni Drake. “Ang babaw mo.”

“Hindi ko alam kung kelan ulit ako magkakaroon nang pagkakataon na makasama ka sa ganitong event. Masaya siguro kung Makakapagsayaw din tayo.” Wika nang dalaga.

“Hindi ako sasayaw. Huwag mo nang pangarapin yun.” Wika nang binata.

“Kung ayaw mo, sige kay Juno nalang ako----” biglang natigilan ang dalaga nang biglang hawakan nang binata ang kamay niya taka naman siyang napatingin dito.

“Kung gusto mong isayaw kita. Kailangan mo akong turuan, parehong kaliwa ang paa ko. May oras pa tayong magpraktis.” Wika ni Drake saka hinila ang dalaga papalayo. Napangiti lang si Samantha habang hinahayaan ang binata na hilahin siya papalayo sa gym. Taka lang na nakatingin sina Juno at Nancy sa kanilang dalawa.

“Mukhang magkasundo naman ang dalawang yun. Parang hindi mo iisiping isang arrange marriage ang nangyari sa kanila.” Wika ni Juno.

“Kilala mo ba kung anong klaseng babae ang napangasawa ni Drake?” Tanong nang dalaga kay Juno.

“Hindi ko pa siya masyadong kilala wala ding ikinukwento si Drake tungkol sa kanya. Mukha wala din siyang balak mag kwento. Akala ko nga hindi niya gusto si Samantha. Pero sa nakikita ko naman, Mukhang Maganda ang pagsasama nang dalawa.” Wika ni Juno.

“Ang bilis niyang magbago.” Wika ni Nancy.

“Sinong nagbago? Si Drake ba?” tanong ni Juno. “Huwag mo siyang sisisihin kung nagbago siya. Hindi siya pwedeng manatiling nakatali sa nakaraan niyo. Sino ba sa inyong dalawa ang unang bumitaw? Hindi ba ikaw?” wika ni Juno.

“Anong sabi mo?” gulat na wika nang dalaga.

“Aminin mo sa sarili mo ikaw ang unang bumitaw kay Drake. Hindi mo siya sinamahan sa panahon na kailangan niya nang taong masasandalan. Ngayon may ibang tao na sa buhay niya. Nag-aalala ka ba? Bakit gusto mo bang bumalik sa kanya?” tanong ni Juno.

“Ano?” Hindi makapaniwalang wika ni Nancy na napaawang ang labi.

“Huwag ka ring magtaka kung mahuhulog sa iba si Drake. Dahil kung ako ang tatanungin hindi mahirap mahalin si Samantha. Manhid si Drake kung hindi siya maiinlove sa asawa niyang iyon.” Wika ni Juno saka napailing at naglakad papalayo sa dalaga. Napatingin lang si Nancy sa binata saka napakuyom nang kamao. Habang napakagat nang labi.