Chapter 20

Allison POV

Hindi na ako sumakay ng trycicle pauwi ng bahay dahil paniguradong mas matatagalan ako. Tumakbo na lang ako pauwi sa amin. Hindi naman iyon kalayuan. Tingin ko, thirty minutes lang ang inabot ko. 

Pagbalik ko na lang siguro ako sasakay. Isa pa, sayang talaga ang pamasahe.

"Mama, ito na po!" sigaw ko kasabay ng pag-katok sa pinto. 

"Oo, sandali!" Binuksan ni Mama ang pinto. Napangiti siya noong iabot ko sa kaniya ang mga susi sa wallet ko. "Sa wakas! Oh, bakit pawisan ka? Naglakad ka ba?" Kumunot ang noo niya, pinagmasdan ang mukha ko.

"Opo."

Napasapo si mama at pinagalitan ako. Dapat daw ay sumakay na lang ako. Hinawakan niya pa ang ulo ko na ngayon ay sobrang init. Tinawanan ko siya. Mamaya naman ay mawawala na rin ito.

"Sige na, Ma. Aalis na ako," paalam ko sa kaniya.

"O, sige! Huwag nang magpainit, ha!"

Tumango ako at tumalikod na. Inabot ako ng ilang segundo bago ko mabuksan ang na