Chapter 5

Allison POV

“Can we talk?”

Napatitig ako sa text message na nabasa ko sa cellphone ko. Umagang-umaga pero ito agad ang bumungad sa akin. Napalunok ako at wala sa sariling ibinaba ang cellphone ko. Malalim akong napaisip habang nakatulala lamang sa kisame.

Hindi ko alam kung bakit kailangan pa akong i-text ni Darrel. Tapos na kami, hindi ba? Kung gano’n, ano itong ginagawa niya? Naupo ako sa kama at napahinga ng malalim. Naramdaman ko na naman ang kirot sa dibdib ko. Pakiramdam ko ay may pumipisil nito na dahilan kung bakit nahihirapan akong huminga. Mabilis ding nangilid ang mga luha sa mata ko.

Magsisinungaling ako kung sasabihin kong hindi na ako nasasaktan.

Dinampot ko ang cellphone ko nang maya-maya ay tumunog na naman iyon.

“I still want to fix our relationship. Pupunta ako sa park. I will wait you there.&rdq